Sanksione të reja të Departamentit Amerikan të Thesarit kundër Iranit
Në vazhdim të politikave të saj armiqësore kundër Republikës Islamike të Iranit, qeveria amerikane vendosi sanksione ndaj 6 individëve dhe 5 subjekteve të lidhura me Iranin.
Departamenti Amerikan i Thesarit pretendoi se ka sanksionuar pesë kompani me bazë në Iran dhe Hong Kong, të cilat janë aktive në furnizimin me materiale dhe teknologji për programet e raketave balistike dhe droneve dhe në shitjen e mallrave iraniane, subjekteve kineze. Departamenti Amerikan i Thesarit gjithashtu njoftoi se ka sanksionuar gjashtë zyrtarë të Komandës së Elektronikës Kibernetike të Korpusit të Gardës Revolucionare Islamike të Iranit për shkak të ashtuquajturve aktiviteteve me qëllim të keq kibernetik kundër infrastrukturës kritike në Shtetet e Bashkuara dhe rajone të tjera. Gjatë katër dekadave të fundit, Shtetet e Bashkuara në mënyra të ndryshme kanë ndërmarrë politika dhe masa të njëanshme kundër Republikës Islamike të Iranit, si vendosja e sanksioneve, kërcënime ushtarake, fushata politike dhe diplomatike dhe luftë psikologjike. Pavarësisht politikave dhe masave të njëanshme jo efikase të SHBA-së kundër Iranit, Uashingtoni në kundërshtim me Kartën e Kombeve të Bashkuara ende këmbëngul në vazhdimin e kësaj qasjeje të paligjshme kundër Teheranit.
