Raisi:  Sot, Irani është i avancuar dhe i zhvilluar teknologjikisht

Presidenti i Republikës Islamike të Iranit Iranin e sotëm islamik e konsideroi si të avancuar dhe teknologjik.

Sejed Ebrahim Raisi, Presidenti i Republikës Islamike të Iranit, dje të premten në ceremoninë e hapjes së fabrikës Zamzam 3 të kompanisë Khuzestan Steel në jugperëndim të Iranit, tha:  Sot është një luftë vullnetesh dhe armiku nuk dëshiron që Irani të zhvillohet dhe të përparojë, por populli i Iranit fitoi luftën e vullneteve për të zgjeruar punën, prodhimin dhe punësimin. Raisi u shpreh: Sot, në provincën Khuzestan, jemi dëshmitarë të vënies në funksion të projekteve të rëndësishme ekonomike që janë realizuar falë punës së specialistëve, ekspertëve, konsulentëve dhe punëtorëve vendas. Presidenti i Republikës Islamike të Iranit vuri në dukje se fabrika Zamzam 3 e kompanisë Khuzestan Steel është ndërtuar me pjesëmarrjen e 115 kompanive të bazuara në njohuri dhe më shumë se 50 kompanive industriale vendase pa praninë e ekspertëve të huaj. Në Iran prodhohen 2 milionë tonë hekur dhe Irani Islamik në këtë fushë renditet i pari në rajon dhe i dyti në botë dhe ky është një nder i madh për kombin. Duke iu referuar shfrytëzimit zyrtar të fushave të naftës Jafir dhe Sepehr në perëndim të Karunit, Raisi tha: Këto vendburime nafte u zbuluan  me investimin e bankave të Iranit dhe ky është një investim i mirë që duhet të zgjerohet sa më shumë.