Sulmi i Izraelit ndaj konsullatës iraniane në Siri ishte vetëvrasje
Komandanti ushtarak iranian i rangut më të lartë tha se agresioni i fundit izraelit në objektet diplomatike iraniane në kryeqytetin sirian Damask përbën marrëzi dhe vetëvrasje të regjimit sionist.
Gjeneralmajor Mohammad Bakeri, shefi i shtabit të Forcave të Armatosura iraniane, e bëri deklaratën të shtunën teksa po fliste në ceremoninë e varrimit të gjeneralmajor Mohammad Reza Zahedi në qytetin iranian Isfahan.
“Sulmi i fundit me raketa ndaj ndërtesës së konsullatës iraniane në Damask, si një seli me imunitet ndërkombëtar, është një lloj çmendurie dhe përbën vetëvrasjen e regjimit sionist”, tha Gjeneralmajor Bakeri.
Duke theksuar se agresioni izraelit në konsullatën iraniane erdhi si rezultat i dëshpërimit të regjimit sionist, ai shtoi: "Ne do ta ndëshkojmë armikun me ndihmën e burrave tanë trima dhe me siguri do të hakmerremi".
Zyrtari më i lartë ushtarak i Iranit nënvizoi se, "Ne kemi mësuar nga komandantët tanë të mëdhenj që të përcaktojmë vetë kohën, llojin dhe planin e operacioneve dhe kjo do të bëhet në kohën e duhur dhe me dëmtimin maksimal të armikut".
Shefi i shtabit të Forcave të Armatosura iraniane paralajmëroi gjithashtu se përgjegjësia kryesore për sulmin është e SHBA-së dhe Uashingtoni duhet të mbajë përgjegjësi.
Ai tha se regjimi izraelit synonte të dominonte rajonin e Azisë Perëndimore, por entiteti pushtues sionist aktualisht po dëshmon kolapsin e tij pasi Forca Kuds si dhe popujt në zona të ndryshme të botës islame, duke përfshirë Palestinën, Libanin, Irakun, Jemenin, Sirinë dhe Iranin kanë bashkuar duart për të penguar Izraelin.