Mbijetesa e regjimit të Netanyahut varet nga lufta e Gazës
Komandanti i përgjithshëm i Ushtrisë iraniane tha se mbijetesa e kabinetit ekstremist të udhëhequr nga kryeministri izraelit Benjamin Netanyahu varet nga vazhdimi i luftës shkatërrimtare të regjimit sionist në Rripin e Gazës.
Duke folur me gazetarët të hënën, gjeneralmajor Abdolrahim Musavi u shpreh se përfundimi i luftës në Gaza do të çojë në rënien e regjimit të Netanyahut.
“Mbijetesa e regjimit të ekstremist të djathtë të Netanyahut varet nga vazhdimi i luftës dhe nëse lufta ndalet, ky regjim do të bjerë”, tha ai.
Musavi nënvizoi dështimin e regjimit izraelit për të arritur objektivat e tij për shkatërrimin e grupit të rezistencës Hamas dhe gjetjen e robërve të mbajtur në Gazën e rrethuar.
“Netanyahu ka qenë duke luftuar për gjashtë muaj me mbështetjen e plotë të amerikanëve dhe natyrisht, ai nuk arriti asnjë nga qëllimet e tij. Sionistët janë bllokuar në një moçal,” tha Komandanti i përgjithshëm i Ushtrisë iraniane.
