Pars Today

Pasi Korpusi i Gardës Revolucionare Islamike nisi një operacion në shkallë të gjerë me dronë dhe raketa kundër regjimit sionist pas sulmit izraelit ndaj konsullatës iraniane në Damask, pak minuta më parë raketat iraniane goditën caqe të paracaktuara në territoret e pushtuara nga Izraeli.

Burimet iraniane njoftuan se dronët iranianë filluan të kalonin hapësirën ajrore të Irakut dhe iu afruan Sirisë dhe Jordanisë.
TV izraelit pretendoi se në të njëjtën kohë dronë u qëlluan drejt Izraelit edhe nga fronte të tjera.
Lajmet e pakonfirmuara përmendin edhe të shtënat me dronë nga Jemeni.
Një burim i informuar në Forcat e Armatosura të Iranit njoftoi: "Forcat ushtarake të vendit tonë po monitorojnë me kujdes lëvizjet e Jordanisë gjatë sulmit ndëshkues kundër regjimit sionist dhe nëse forcat jordaneze marrin pjesë në një aksion të mundshëm, do të jenë objektivi i radhës. Para operacionit tonë, Jordanisë dhe vendeve të rajonit u janë dhënë paralajmërimet e nevojshme".
Një burim i informuar bëri të ditur se sulmi i Iranit është planifikuar në disa faza dhe secila fazë do të jetë më intensive se faza e mëparshme në varësi të kushteve.
Me fillimin e reagimit ushtarak të Iranit ndaj Izraelit, kryetari i Haifës shpalli gjendjen e jashtëzakonshme në këtë qytet.
Burimet palestineze thonë se për herë të parë që nga 7 tetori, qielli i Gazës është pastruar nga dronët dhe avionët izraelitë për shkak të sulmit të Iranit ndaj Izraelit.
Burimet e lajmeve njoftuan se Hezbollahu i Libanit ka vënë në shënjestër me dronë vetëvrasës sistemet e Kupolës së Hekurt të Izraelit në Tel Nema.
Mediat hebraike raportuan se kabineti i luftës i regjimit sionist po mban një mbledhje në bodrumin e Ministrisë së Luftës të këtij regjimi dhe në strehimore.
Mediat në gjuhën hebraike raportuan se dhjetëra raketa u hodhën nga Libani drejt zonës Al-Jalil al-Ala.
Në të njëjtën kohë, në këtë zonë u raportua edhe zhurma e shpërthimeve masive.
Rezistenca Islamike e Irakut njoftoi në një deklaratë se në mbështetje të Gazës dhe rezistencës palestineze dhe në përgjigje të agresionit të Izraelit, në orën 00:35 të mëngjesit, sulmoi me dhjetëra raketa mbrojtjen ajrore dhe raketore të Izraelit në bazën Kila në Golanin e pushtuar  sirian.
Sipas pamjeve të publikuara në media të ndryshme, raketat iraniane kanë goditur disa minuta më parë objektivat e paracaktuara në territoret e pushtuara.