Media sioniste shpreh habinë për fuqinë e reagimit ndëshkues të Iranit

Mediat dhe zyrtarët e regjimit sionist konfirmuan se përgjigja ndëshkuese e Iranit kundër këtij regjimi ishte operacioni më i përqendruar dhe më i koordinuar në historinë e sigurisë botërore.

Sipas Klubit të Gazetarëve të Rinj, media sioniste njoftoi se përgjigja ndëshkuese e Iranit në natën e 14 prillit 2024 duke përdorur municione precize (raketa të drejtuara) ishte operacioni më i fokusuar dhe më i koordinuar në historinë e sigurisë botërore. Këto media sioniste njoftuan për përmasat e këtij operacioni se dronët u nisën nga shumë vende dhe nga një distancë prej 1000 deri në 1500 kilometra. Në lidhje me këtë, një zyrtar sionist i tha gazetës angleze Financial Times se Irani dronët e tij i ka dërguar për të testuar dhe matur reagimet e regjimit dhe për të gjurmuar vendndodhjet dhe rrugët e sistemeve të tij të mbrojtjes. Ky zyrtar sionist vazhdoi: Me afrimin e raketave të Iranit, avioni i kryeministrit Benjamin Netanyahu, i quajtur Bal Zion, për siguri u ngrit nga baza ajrore Nevatim. Mediat sioniste raportuan se inteligjenca amerikane kishte paralajmëruar regjimin sionist se Irani me një raund të ri sulmesh me raketa dhe me dron do t'i përgjigjet çdo sulmi të madh dhe të hapur nga Izraeli në tokën e tij. Faqja sioniste Walla deklaroi se pasi u ekspozua për herë të parë ndaj operacionit të drejtpërdrejtë të Teheranit kundër frontit të tij vendas, Izraeli përballet me dilemën e frenimit të përgjigjes së Iranit, ose kryerjes së një sulmi tjetër kundër Iranit dhe rrezikut të përshkallëzimit të tensioneve. Megjithatë kjo faqe interneti pretendon se presidenti amerikan Joe Biden ishte në gjendje ta vinte kabinetin sionist në një udhëkryq dhe kundërshtoi një përgjigje ushtarake kundër Iranit. Walla parashikoi se çdo konfrontim i ardhshëm me Iranin do të përfundonte me një turmë dronësh dhe raketash balistike si ato që sulmuan Izraelin të shtunën dhe të dielën. Në një intervistë për kanalin 12 të regjimit sionist, një reporter ushtarak deklaroi se pavarësisht faktit se presidenti amerikan i tha qartë Iranit të mos e bënte këtë dhe konfirmoi se do të qëndronte pranë Izraelit, Irani kreu operacione kundër regjimit sionist dhe tregoi guximin, fuqinë e zjarrit dhe aftësitë e veta operacionale. Channel 14 përgjigjen e Iranit e përshkroi si më të vështirën për sa i përket rëndësisë dhe shtrirjes që nga krijimi i regjimit sionist në 75 vitet e fundit.