Bagheri: Rezistenca i ka poshtëruar sionistët në terren dhe në diplomaci

Ministri në detyrë i Punëve të Jashtme të Iranit tha se rezistenca i ka poshtëruar sionistët në terren dhe në diplomaci.

Ali Bagheri Kani, Ministri në detyrë i Punëve të Jashtme të Iranit, në një takim me krerët e grupeve të rezistencës, vlerësoi shprehjen e ngushëllimeve të grupeve të rezistencës me kombin dhe qeverinë e Iranit,  dhe rezistencën e guximshme të popullit palestinez kundër regjimit sionist, dhe vuri në dukje racionalitetin strategjik që drejton politikën. Në përballjen me pushtuesit, është kombi palestinez ai që ka ngritur flamurin e dinjitetit, pavarësisë dhe autoritetit duke mbartur plagën e shkaktuar nga krimet e sionistëve. Bagheri, duke kujtuar disa deklarata që mohojnë efektivitetin e rezistencës duke e justifikuar atë si ideale dhe praktikisht joreale, shtoi se për efektivitetin e rezistencës mjafton që jo vetëm poshtëroi sionistët në terren, por edhe në arenën politike, juridike dhe në arenat globale të diplomacisë publike, sionistët përjetuan dështimin më të paprecedentë në shtatëdhjetë e pesë vitet e fundit, në mënyrë të tillë që edhe përdorimi i paligjshëm i mjeteve dhe fuqisë së diplomacisë politike, ligjore dhe publike të Amerikës në arenën ndërkombëtare nuk ka qenë në gjendje të krijojë një rrugëdalje për sionistët. Duke iu referuar qasjes parimore dhe përpjekjeve të Ebrahim Raisit dhe Husein Amir Abdolahianit në mbështetje të të drejtave të popullit palestinez dhe rezistencës, Ministri në detyrë i Punëve të Jashtme të Iranit theksoi se Republika Islamike e Iranit do të bëjë çmos për të mbrojtur popullin e shtypur të Palestinës dhe rezistencën legjitime kundër pushtuesve sionistë dhe ndalimin e krimeve të regjimit kundër popullit të shtypur palestinez. Drejtuesit e grupeve të rezistencës në rajon diskutuan gjithashtu situatën e fundit politike, sociale dhe ushtarake në Gaza dhe operacionin e stuhisë Al-Aksa dhe rolin e frontit të rezistencës në takimin me Husein Salamin, komandantin e përgjithshëm të Korpusit të Gardës Revolucionare Islamike, dhe Ismail Kani, komandantin e Forcës Kuds të Korpusit të Gardës Revolucionare Islamike. Sipas Agjencisë iraniane ISNA, Ismail Haniyeh, kreu i byrosë politike të Lëvizjes së Rezistencës Islamike Palestineze (Hamas), Mohammad Al-Handi, zëvendëssekretari i përgjithshëm i Lëvizjes së Xhihadit Islamik Palestinez dhe Xhamil Mazher. zëvendëssekretari i përgjithshëm i Frontit Popullor për Çlirimin e Palestinës, morën pjesë në ceremoni.