Irani arreston 14 terroristë të ISIS-it në katër provinca
Ministria e Inteligjencës e Iranit ka njoftuar arrestimin e 14 terroristëve të ISIS-Khorasan në katër provinca në të gjithë vendin.
Në një deklaratë, Ministria e Inteligjencës e Iranit tha se terroristët u arrestuan në provincat Teheran, Alborz, Fars dhe Khuzestan.
“Katërmbëdhjetë elementë të grupit të udhëhequr nga SHBA dhe sionistët, i njohur si ISIS-Khorasan (ISIS-K) u identifikuan dhe u arrestuan me urdhër të autoritetit gjyqësor iranian”, thuhet në deklaratë.
Deklarata shtoi se terroristët kishin hyrë ilegalisht në vend në ditët e fundit me qëllim të kryerjes së operacioneve terroriste.
“Nga këta, 7 elementë të ISIS-it u arrestuan në provincën Fars dhe 7 terroristë u arrestuan në provincat Teheran, Alborz dhe Khuzestan”, shpjegoi Ministria e Inteligjencës e Iranit, duke shtuar se rezultatet e hetimeve dhe marrjes në pyetje do të publikohen më vonë.