Araghchi: Vazhdimi i konsultimeve me Jemenin kyç për rritjen e sigurisë

Ministri i Jashtëm iranian Abbas Araghchi tha se vazhdimi i konsultimeve me Jemenin do të luajë një rol të rëndësishëm në rritjen e sigurisë në rajon.

Në një bisedë telefonike me Jamal Ahmed Ali Amer, ministri i jashtëm i Qeverisë së Shpëtimit Kombëtar të Jemenit, të shtunën, Araghchi theksoi nevojën për të zhvilluar më tej marrëdhëniet e ndërsjella Teheran-Sana'a.

Ai përgëzoi qëndrimin e Jemenit në mbështetje të popullit palestinez dhe dënimin e luftës gjenocidale të regjimit izraelit në Rripin e Gazës.

Në një kohë kur shumë vende thjesht po shprehin qëndrimin e tyre kundër regjimit izraelit, qeveria dhe populli i Jemenit mbështetën në praktikë palestinezët e shtypur, theksoi kryediplomati iranian.

Araghchi e ftoi homologun e tij jemenas të udhëtojë në Teheran për të vazhduar me bisedimet për çështje me interesa të përbashkëta në fusha të ndryshme dypalëshe dhe rajonale.

Ministri i jashtëm i Qeverisë së Shpëtimit Kombëtar të Jemenit Jamal Ahmed Ali Amer, nga ana e tij, vuri në dukje tensionet e rritura në rajon dhe sulmet e përbashkëta ushtarake të SHBA dhe Britanisë në Jemen dhe theksoi se Sana'a nuk do të ndryshojë qëndrimin e saj në mbështetjen për popullin e shtypur të Palestinës.

Ministri i Jashtëm i Jemenit bëri thirrje për zhvillimin e marrëdhënieve të ndërsjella dhe për bashkëpunimin rajonal.