Ambasada iraniane në Liban dënoi sulmin e regjimit sionist në Bejrut

Sahab - Ambasada e Republikës Islamike të Iranit në Liban dënoi sot sulmin ajror izraelit në zonën Dahiya, në jug të Bejrutit.

Sipas IRNA, duke cituar rrjetin Al-Mayadin; Ambasada e Republikës Islamike të Iranit në një deklaratë dënoi çmendurinë dhe arrogancën e regjimit sionist, i cili ka tejkaluar kufijtë duke sulmuar zonat e banuara në jug të Bejrutit dhe theksoi se këto krime terroriste nuk mund të dobësojnë vendosmërinë dhe besimin e popullit libanez dhe frontit të rezistencës. Të premten, regjimi sionist vrau të paktën 11 qytetarë libanezë dhe plagosi 66 të tjerë me një sulm ajror në zonën Dahiya në jug të Bejrutit dhe ka mundësi që numri i dëshmorëve dhe të plagosurve të shtohet për shkak të njerëzvetë bllokuar në gërmadhat e dy ndërtesave të shembura. Regjimi sionist të martën dhe të mërkurën në Liban vrau të paktën 32 qytetarë libanezë dhe plagosi më shumë se 3000 të tjerë në operacionet terroriste duke hedhur në erë mijëra pagera, pajisje ëireless dhe sisteme komunikimi.  Shumë vende të botës dhe organizata ndërkombëtare kanë dënuar shpërthimet e fundit në Liban dhe kanë theksuar nevojën për uljen e tensioneve në rajon. Sekretari i Përgjithshëm i Hezbollahut të Libanit gjithashtu në fjalimin e tij të djeshëm theksoi se regjimi sionist me operacionet e fundit terroriste në Liban ka shkelur të gjitha vijat e kuqe dhe do të paguajë një çmim të rëndë.