Irani thërret ambasadorët e Austrisë dhe Gjermanisë
Teherani të enjten thirri ambasadorët gjermanë dhe austriak pasi qeveritë e tyre kritikuan Republikën Islamike të Iranit për sulmin e saj hakmarrës me raketa ndaj regjimit izraelit.
Ministria e Punëve të Jashtme të Iranit iu përgjigj "masave të papranueshme" të Gjermanisë dhe Austrisë të cilët thirrën ambasadorët iranianë për sulmin hakmarrës raketor të Iranit ndaj regjimit izraelit. Ministria e Jashtme e Iranit në një deklaratë tha se sulmi ishte një “përgjigje legjitime, e përgjegjshme dhe efektive për ndëshkimin e agresionit të regjimit izraelit”. Korpusi i Gardës Revolucionare Islamike të Iranit të martën lëshoi rreth 200 raketa në territoret e pushtuara të koduara me emrin "Premtimi i Vërtetë". Garda Revolucionare e Iranit tha se sulmi ishte në hakmarrje për martirizimin e kreut të Hezbollahut, Hassan Nasrullah së bashku me komandantin e Forcës Quds të Teheranit, Abbas Nilforoushan, si dhe liderin politik të Hamasit, Ismail Haniyeh, i cili gjithashtu u martirizua në një shpërthim kur ai ndodhej në Teheran. Gjithashtu të enjten, zëdhënësi i ministrisë së jashtme Esmail Baghaei dënoi "qasjen e njëanshme dhe të papërgjegjshme" të grupit G7. Ai gjithashtu dënoi thirrjen e grupit për sanksione të mëtejshme kundër Teheranit, duke thënë se sulmi ishte një "përgjigje e nevojshme" ndaj "veprimeve agresive" të Izraelit. Ministria e Jashtme e Gjermanisë thirri të mërkurën diplomatin iranian në këtë vend lidhur me sulmin me raketa hakmarrëse të Teheranit ndaj regjimit izraelit. Gjithashtu, Ministria e Jashtme e Austrisë thirri ambasadorin iranian në Vjenë.
