Ministri i Jashtëm i Iranit zhvillon bisedime konstruktive me homologun saudit

Si pjesë e një turneu të ri rajonal, ministri i Jashtëm iranian vizitoi Riadin për të diskutuar me zyrtarët sauditë zhvillimet dhe çështjet rajonale.

Ministri i Jashtëm i Iranit Abbas Araghchi ka zhvilluar diskutime konstruktive me homologun e tij saudit Princin Faisal bin Farhan në Riad.

Ministrat e jashtëm iranian dhe saudit bënë thirrje për t'u dhënë fund luftërave në Liban dhe Gaza dhe kërkuan dërgimin e menjëhershëm të ndihmave humanitare për njerëzit e zhvendosur.

“Të dyja palët bënë thirrje për një ndërprerje të menjëhershme të agresioneve kundër Gazës dhe Libanit dhe për dërgimin e ndihmave humanitare për të zhvendosurit sa më shpejt të jetë e mundur”, tha zëdhënësi i Ministrisë së Jashtme Esmail Baghaei në një postim në rrjetin X.

“Të dy ministrat shqyrtuan gjithashtu statusin aktual të marrëdhënieve dypalëshe dhe theksuan angazhimin e tyre të përbashkët për forcimin e bashkëpunimit në fusha të ndryshme politike, të sigurisë dhe ekonomike.

Ministri i Jashtëm Araghchi mbërriti në kryeqytetin saudit të mërkurën për bisedime mbi mënyrat për t'i dhënë fund fushatës gjenocidale të Izraelit në Gaza dhe bombardimeve psikopatike ndaj Libanit.

Ministri i Jashtëm iranian u takua gjithashtu me princin e kurorës së Arabisë Saudite, Mohammad bin Salman.

Republika Islamike e Iranit dhe Arabia Saudite kanë një qëndrim të qartë për mbështetjen e popullit palestinez dhe libanez dhe dënojnë pushtimin izraelit.