Irani: Sulmi i Izraelit kundër gazetarëve është krim lufte

Zëdhënësi i Ministrisë së Jashtme të Iranit e cilësoi bombardimin e rezidencës së gazetarëve në juglindje të Libanit nga regjimi pushtues sionist si shembull tjetër të krimit të luftës të kryer nga Izraeli.

Agjencia iraniane e lajmeve IRNA njoftoi se zëdhënësi i Ministrisë së Punëve të Jashtme të Iranit, Ismail Baghai, në një mesazh në rrjetin social X, tha se regjimi sionist ka vënë në shënjestër rezidencën e gazetarëve në juglindje të Libanit mëngjesin e së premtes, gjë që çoi në vrasjen e Ghassan Najjar dhe Wasem Qasim, kameraman, dhe Mohammad Reza, tekniku i transmetimit të dy kanaleve Al-Mayadeen dhe Al-Manar dhe e quajti këtë krim një shembull tjetër të krimit barbar të luftës së Izraelit.

Ismail Baghai shtoi: "Regjimi izraelit ka vrarë 180 gazetarë dhe punonjës të medias vetëm gjatë vitit të kaluar, ndërsa këto krime janë kryer në kohën kur gazetarët dhe punonjësit e mediave mbrohen nga e drejta ndërkombëtare humanitare".

Zëdhënësi i Ministrisë së Punëve të Jashtme të Iranit vuri në dukje: "Sipas Konventave të Gjenevës të vitit 1949, veçanërisht Konventës së Tretë të Gjenevës, dhe Protokolleve Shtesë të vitit 1977, veçanërisht nenit 79 të Protokollit të Parë Shtesë në lidhje me mbrojtjen e gazetarëve që punojnë në vende të rrezikshme dhe kryejnë misionet profesionale në zonat e konfliktit të armatosur, gazetarët dhe pajisjet e tyre duhet të gëzojnë imunitet, si personat ashtu edhe objektet civile".

Që nga 23 shtatori të vitit të kaluar, pas dështimit në arritjen e synimeve të saj një vit më parë në Rripin e Gazës, ushtria sioniste ka zgjeruar shtrirjen gjeografike të krimeve dhe gjakderdhjes së saj duke kryer sulme masive në zona të ndryshme të Libanit jugor.

Sipas raportit të Ministrisë së Shëndetësisë së Libanit, sulmet e regjimit sionist deri më tani kanë rezultuar në vrasjen e 2593 personave.