Kryetari i Parlamentit të Iranit paralajmëron për komplot izraelit në Siri

Kryetari i Parlamentit iranian, Mohammad Baker Ghalibaf, ka paralajmëruar se një ofensivë e re e terroristëve takfiristë në veri të Sirisë është në përputhje me qëllimet e regjimit izraelit në rajon pas vendosjes së një armëpushimi në Liban.

Ghalibaf i bëri komentet të shtunën në një bisedë telefonike me homologun e tij libanez Nabih Berri me të cilin diskutoi mbi zhvillimet e fundit në rajon. “Në rrethana të tilla, ne duhet të mbrojmë me vendosmëri dhe bashkëpunim rajonin,” shtoi ai.

Ushtria siriane konfirmoi të shtunën se militantët e mbështetur nga jashtë kishin hyrë në pjesë të mëdha të Alepos, duke e detyruar ushtrinë të ridislokohej në përgatitje për një kundërsulmi për të rivendosur autoritetin shtetëror.

Gjatë bisedës telefonike, Ghalibaf tha se ishte i kënaqur me ndërprerjen e luftimeve në Liban dhe pohoi rolin e rëndësishëm të z.Berri në arritjen e armëpushimit, i cili hyri në fuqi herët të mërkurën.

Kryetari i Parlamentit të Iranit pohoi gjithashtu se Irani qëndron fort pas qeverisë, parlamentit, popullit dhe rezistencës libaneze.

Kryetari i Parlamentit të Libanit Nabih Berri, në përgjigje, shprehu mirënjohjen për rolin kryesor të Iranit në ofrimin e ndihmës së palëkundur për Libanin gjatë agresionit të fundit të regjimit izraelit.