Sulmi i Izraelit dhe ringjallja e shpirtit luftarak të Kombit Iranian

Pars Today - Një oficer i shquar ushtarak në ushtrinë e regjimit sionist pranoi fuqinë e iranianëve në luftën kundër armikut.

Duke u mbështetur në një lidership të fuqishëm, unitet kombëtar dhe aftësi të larta mbrojtëse, Irani ishte në gjendje të bllokonte regjimin sionist dhe mbështetësit e tij duke i detyruar që të ndalojnë luftën. Kjo çështje ka pasur një ndikim të gjerë në botë dhe madje ka habitur vetë sionistët. Sipas Pars Today, duke cituar agjencinë e lajmeve Mehr, Tamer Hayman, gjeneral i forcave rezervë të ushtrisë së regjimit sionist, në një intervistë me televizionin Channel 12 të regjimit pranoi: Ajo që tërheq vëmendjen time tek Irani është vullneti i popullit të këtij vendi; Iranianët janë një komb që lufton deri në fund. Ai shtoi: Nuk i pashë iranianët të tërhiqeshin; Ata zgjodhën shpejt komandantë të rinj. Të dielën, rezultatet e një sondazhi të botuar nga gazetat Ma'ariv dhe Yisrael Hayom treguan se gati 50 përqind e pjesëmarrësve besonin se Tel Avivi nuk kishte arritur një fitore të vërtetë ndaj Iranit.

Ringjallja e shpirtit luftarak të kombit iranian, me budallallëkun e sionistëve

Në këtë drejtim, Hojatoleslam dhe Muslimin Abdullah Hajisadeghi, përfaqësuesi i Udhëheqësit të Revolucionit Islamik në Trupat e Gardës Revolucionare Islamike, thekoi se fryti i budallallëkut të regjimit sionist në sulmin ndaj Iranit është ringjallja e shpirtit luftarak të iranianëve. Ai tha: Sot, kombi iranian ka shfaqur zemërim të shenjtë të cilën nuk e kemi parë në të kaluarën; Prandaj, e konsideroj situatën e kombit iranian si një lloj mrekullie hyjnore që i është dhuruar kombit iranian falë sakrificës së martirëve, secili prej të cilëve ishte një figurë unike në historinë iraniane.

Uniteti kombëtar i Iranit, një armë e çuditshme kundër agresionit të armikut

Nga ana tjetër, studiuesi libanez tha: Qëndrimi i unifikuar i popullit iranian në mbështetjen e vendit të tyre që nga fillimi i agresionit izraelito-amerikan e forcoi Iranin në këtë betejë. Zakaria Hamoudan, drejtor i Institutit kombëtar të kërkimeve dhe statistikave të Libanit, gjithashtu iu referua agresionit të regjimit sionist dhe mbështetësve të tij kundër tokës iraniane, duke thënë: Uniteti kombëtar në Iran pas këtyre sulmeve dhe agresionit kundër tokës së vendit, i habiti të gjithë. Sidomos pasi shumë parashikuan se në Iran do të ndodhte tradhti ose konflikt i brendshëm që do të kërcënonte stabilitetin e regjimit, por kjo nuk ndodhi kurrë. Ai theksoi se vendosmëria e popullit iranian në këtë luftë ishte një pjesë thelbësore e unitetit kombëtar që forcoi Iranin në këtë betejë.

Financial Times: Sulmi i Izraelit unifikoi kombin iranian

Gazeta britanike Financial Times gjithashtu në një artikull shkroi se sulmi i regjimit sionist ndaj Iranit bëri që shumë kundërshtarë iranianë të ndalonin së kritikuari vendin përballë kërcënimit që e kishte ekspozuar vendin. Revista shkroi se pas këtij sulmi, u formua një ndjenjë e re uniteti midis vëzhguesve dhe aktivistëve politikë brenda dhe jashtë Iranit dhe ky unitet erdhi në një kohë kur kryeministri izraelit Benjamin Netanyahu po i bënte thirrje popullit iranian të ndërmerrte veprime kundër Republikës Islamike, por edhe kundërshtarët më të zjarrtë të shtetit iranian i lanë mënjanë kritikat e tyre.