Pezeshkian: Regjimi sionist po përfiton nga mosmarrëveshjet mes vendeve islame

Presidenti i Republikës Islamike të Iranit, në një takim me ministrin e Tregtisë të Turqisë, tha: "Ajo që po ndodh në rajon dëshmon faktin se regjimi sionist ka abuzuar me mosmarrëveshjet mes vendeve islamike dhe ka sulmuar Gazën, Libanin dhe Sirinë."

Sipas agjencisë së lajmeve Mehr, Masoud Pezeshkian, në një takim me ministrin turk të Tregtisë, Omer Bolat, të mërkurën në mbrëmje, duke theksuar se "problemet mes nesh duhet t'i zgjidhim në mënyrë vëllazërore dhe të forcojmë fuqinë e botës islame në praktikë dhe jo me fjalë", shtoi: "Ajo që është duke ndodhur në rajon është dëshmi e faktit se regjimi sionist ka përfituar nga mosmarrëveshjet mes vendeve islamike dhe ka sulmuar Gazën, Libanin dhe Sirinë, duke vrarë myslimanët. Nëse i lëmë mënjanë mosmarrëveshjet tona, bota islame do të bëhet më e fuqishme dhe bota do të ndërveprojë me ne në bazë të respektit të ndërsjellë."

Duke iu referuar faktit se Irani është i gatshëm të zgjerojë marrëdhëniet dhe bashkëpunimin me Turqinë në të gjitha fushat, presidenti Pezeshkian theksoi: "Ne theksojmë nevojën e zbatimit të marrëveshjeve dypalëshe dhe do të vazhdojmë bashkëpunimin me vendosmëri, në mënyrë që armiqtë, të cilët synojnë të dëmtojnë marrëdhëniet mes vendeve islamike, të zhgënjehen e të bëhen të pashpresë."

Në këtë takim, ministri i Tregtisë së Turqisë, duke iu referuar objektivit prej 30 miliardë dollarësh për tregtinë mes dy vendeve, deklaroi: "Turqia dëshiron të rinovojë marrëveshjen tregtare 25-vjeçare me Republikën Islamike të Iranit në fushën e energjisë."

Omer Bolat, pasi deklaroi se "do të modernizojmë portat tona kufitare për të lehtësuar tregtinë në doganat e përbashkëta mes dy vendeve", shtoi: "Po përpiqemi të hapim dy porta të tjera kufitare me Iranin dhe të forcojmë pikat kufitare dhe tregjet mes dy vendeve."

Ministri i Tregtisë i Turqisë, duke theksuar se vendi i tij është në pritje të ringjalljes dhe zbatimit të marrëveshjes tregtare preferenciale të vitit 2015 me Iranin, tha: "Një tjetër çështje e rëndësishme për ne është çështja e turizmit. Ne kërkojmë hartimin e një marrëveshjeje gjithëpërfshirëse për të rritur dhe lehtësuar udhëtimin e turistëve turq në Iran."