Nasrallah, Safiedin simbole të rezistencës së ndershme

Zëdhënësi i Ministrisë së Jashtme iraniane, Esmaeil Baghaei e ka përshkruar udhëheqësin martir të Hezbollahut, Sejed Hassan Nasrallah dhe zëvendësin e tij Sejed Hashem Safieddine si simbole të rezistencës.

Baghaei tha të dielën se qëndrueshmëria e tyre në mbështetje të popullit të shtypur të Palestinës do të mbahet mend gjithmonë.

Zëdhënësi i  Ministrisë së Jashtme iraniane bëri komentet të dielën në një postim në rrjetin X teksa ceremonitë e varrimit të Nasrallah dhe Safieddine po mbaheshin në kryeqytetin libanez, Bejrut.

"Nasrallah dhe Safieddine ia kushtuan tërë jetën e tyre kauzës së njerëzimit dhe dinjitetit duke u ngritur kundër okupimit brutal, shtypjes dhe padrejtësisë," tha Baghaei.

Ai vazhdoi duke thënë se këta dy burra të mëdhenj simbolizojnë rezistencën e ndershme kundër okupimit, agresionit dhe mbështetjen për popullin palestinez për të arritur të drejtën e tij themelore për vetëvendosje.

“Ata janë të pavdekshëm tani; çdo musliman, dhe në të vërtetë çdo burrë dhe grua me ndërgjegje të mirë, gjithmonë do t'i kujtojë dhe lartësojë këta heronj të devotshëm për qëndrueshmërinë, trimërinë dhe sakrificën e tyre shembullore në mbështetje të bashkëmoshatarëve të tyre myslimanë në Palestinën e pushtuar dhe për patriotizmin dhe dashurinë e tyre për atdheun e tyre", tha zëdhënësi i  Ministrisë së Jashtme iraniane.

Më tej Baghaei vuri në dukje se sot njerëzit paqedashës anembanë globit, krahas myslimanëve dhe popullit libanez, do t'i bëjnë homazhe këtyre dy dëshmorëve të mëdhenj.

"Pra, le të luftojnë në rrugën e Allahut ata që e ndërrojnë jetën e kësaj bote me botën tjetër. Dhe kushdo që lufton në rrugën e Allahut dhe vritet ose fiton, Ne do t'i japim atij një shpërblim të madh", tha ai.