Cili ishte parashikimi i Ajetollah Khamenei për Ukrainën 3 vjet më parë?
Pars Today - Llogaria e medias KHAMENEI.IR në rrjetet sociale publikoi paralajmërimin e Liderit të Revolucionit Islamik tre vjet më parë, drejtuar vendeve që mbështeten tek Amerika.
Tre vjet më parë, në ditët e para të luftës së Ukrainës, Ajetollah Khamenei, Udhëheqësi i Revolucionit Islamik, me një analizë strategjike trajtoi rrënjët e kësaj krize dhe theksoi se Ukraina ishte bërë viktimë e politikës së Amerikës. Ai, ndërhyrjen amerikane në punët e brendshme të Ukrainës, mbështetjen për grushtet e shtetit dhe komplotet e tjera, i konsideroi si faktorët kryesorë të kësaj krize. Ajetollah Khamenei shtoi: “Mbështetja e fuqive perëndimore për vendet dhe qeveritë që janë kukullat e tyre është një iluzion dhe nuk është realitet; Të gjitha qeveritë duhet ta dinë këtë. Sipas Pars Today, tani, pas tre vjetësh, korrektësia e analizës së Udhëheqësit Revolucionar është bërë më e dukshme se kurrë, dhe media KHAMENEI.IR të shtunën në mbrëmje postoi një fjali nga Ajetollah Khamenei në persisht dhe ukrainisht ku thuhet: “Mësimi i parë në rastin e Ukrainës është se mbështetja e fuqive perëndimore për vendet dhe qeveritë që janë kukullat e tyre është një iluzion. Të gjitha qeveritë duhet ta dinë këtë. Ato qeveri që janë besnike ndaj Amerikës dhe Evropës, sot duhet të shohin situatën në Ukrainë." Vlen të përmendet se të premten, presidentët e SHBA-së dhe Ukrainës, Donald Trump dhe Volodymyr Zelensky ishin ulur në Shtëpinë e Bardhë, ku Zelensky për Shtetet e Bashkuara ofroi atë që kishte mbetur nga vendi i tij, d.m.th. minierat dhe burimet e tij natyrore. Por takimi u kthye në një debat të ashpër mes tyre para mediave. Trump, zëvendëspresidenti i tij dhe ata përreth tij, me radhë i bërtisnin Zelenskyt para gazetarëve. Në këtë skenë Trump madje e shtyu një herë Zelenskyn dhe me ashpërsi i tha të heshte!
