Minifutbolli i Iranit pushtoi Azinë; vajzat iraniane janë nënkampionet e CAFA

ParsToday - Skuadra e futbollit 6x6 e Iranit fitoi kampionatin aziatik duke mposhtur Indonezinë në finale.

Në Sharxhah të Emirateve të Bashkuara Arabe u mbajt të dielën ndeshja finale e Kupës së Kombeve të Mini Futbollit të Azisë 6x6 mes kombëtareve të Iranit dhe Indonezisë. Në përfundim të kësaj loje të ngushtë dhe emocionuese, kombëtarja iraniane arriti të mposhtë kundërshtarin me rezultatin 3-2 dhe të ngrejë për herë të parë trofeun e kampionatit të kontinentit të vjetër.

Sipas ParsToday, pasi fituan dy ndeshje kundër Irakut dhe Japonisë dhe barazuan një ndeshje kundër Omanit në fazën e grupeve, futbollistët iranianë kaluan në gjysmëfinale si ekipi i dytë dhe me fitoren ndaj mikpritësit Emiratet e Bashkuara Arabe arritën në ndeshjen finale, ku mposhtën Indonezinë dhe fituan kampionatin si ekipi më i mirë në Azi, duke fituar një vend në Kupën e Botës të Mini Futbollit 2026.

Ekipit iranian të futbollit të vajzave nënkampione në CAFA

Ekipi iranian i futbollit për femra luajti kundër mikpritësit Taxhikistan në ndeshjen e tyre të tretë dhe të fundit në Konfederatën e Futbollit të Azisë Qendrore (CAFA) të shtunën dhe fitoi 4-0. Me këtë fitore skuadra iraniane doli në pozitën e nënkampione me 6 pikë dhe kampion u shpall Uzbekistani me shtatë pikë. Në këtë turne, skuadra iraniane fitoi kundër Taxhikistanit me katër gola, ndaj Kirgistanit me dy gola dhe humbi ndaj Uzbekistanit me një gol.

Kombëtarja e Iranit në futsal u shpall nënkampione e turneut në Brazil

Kombëtarja iraniane në futsal u bë nënkampione e turneut në Brazil të dielën pas humbjes nga kampioni i botës. Futsalistët e Iranit, të cilët ishin kualifikuar në ndeshjen finale në raundin paraprak me fitoren 11-2 ndaj Grenlandës, 4-3 ndaj Afganistanit dhe humbjen 5-2 përball Brazilit, nuk mundën të kapërcejnë barrierën e Brazilit, kampionit të Botërorit 2024 në Uzbekistan, i cili gëzonte mbështetjen e mijëra shikuesve.