81 universitete iraniane në renditjen e Times Asia

ParsToday - Irani, me 81 universitete, u rendit i dyti midis vendeve islamike pas Turqisë në renditjen e Universiteteve Aziatike të Times.

Renditja Botërore e Universiteteve e Times Higher Education është një nga sistemet e renditjes dhe vlerësimit të njohura ndërkombëtarisht që, në vitin 2013, renditi universitetet aziatike për herë të parë së bashku me renditjet e saj ndërkombëtare.

Sipas ParsToday, Muhamed Mehdi Alavian Mehr, kreu i Institutit të Citimit dhe Monitorimit të Shkencës dhe Teknologjisë së Botës Islamike (ISC), deklaroi: "Në raportin e fundit mbi renditjen e universiteteve aziatike në vitin 2025, u përfshinë 81 universitete nga Irani, nga të cilat 4 universitete nga Republika Islamike e Iranit ishin ndër 100 universitetet më të mira në Azi".

Alavian Mehr shtoi: "Renditja e Asian Times në vitin 2025 përfshin 853 universitete nga 35 vende". Ashtu si në vitet e kaluara, Japonia ka numrin më të madh të universiteteve në këtë renditje me 1019, e ndjekur nga India me 107 institucione.

Pjesa e Iranit për sa i përket numrit të universiteteve në renditjen aziatike të Times 2025 është 81 universitete, që përfshin rreth 10.53% të universiteteve në këtë renditje.

Universiteti Industrial "Sharif", Universiteti Industrial "Amirkabir", Universiteti i Shkencës dhe Industrisë i Iranit, Universiteti i Teheranit dhe Universiteti i Shkencave Mjekësore të Teheranit u renditën përkatësisht nga i pari deri në të pestin në Iran.

Sipas kreut të Institutit ISC, midis vendeve islamike të kontinentit aziatik, në renditjen e vitit 2025 përfshihen gjithsej 381 universitete nga 20 vende islamike.