10 muzetë më të mirë në Iran që duhet t'i vizitoni + Foto

ParsToday - Irani, si djepi i historisë dhe qytetërimit botëror, ka qenë gjithmonë me interes për turistët dhe dashamirësit e kulturës në të gjithë botën, dhe muzetë kanë luajtur dhe vazhdojnë të luajnë një rol të rëndësishëm në prezantimin e kulturës dhe qytetërimit iranian. Në këtë artikull nga ParsToday, hedhim një vështrim mbi 10 muzetë më të mirë në Iran, të cilët mund të lexoni këtu.

Irani është djepi i historisë dhe qytetërimit botëror, një parajsë për historianët dhe dashamirësit e historisë, dhe ky fakt ka çuar në themelimin e shumë muzeve në Iran. Kanë kaluar më shumë se 103 vjet që kur muzeu i parë i quajtur Muzeu Kombëtar u themelua zyrtarisht në Iran.

1. Muzeu Kombëtar

Muzeu Kombëtar i Iranit, muzeu më i rëndësishëm në këtë vend, është me rëndësi të madhe si për nga historiku i tij, ashtu edhe për objektet që ruhen në këtë qendër. Muzeu përbëhet nga dy seksione kryesore: Muzeu i Iranit të Lashtë dhe Muzeu i Arkeologjisë dhe Artit Islamik. Muzeu i Iranit të Lashtë strehon objekte që datojnë midis një milion dhe 12,000 vjet. Disa nga objektet në Muzeun e Iranit të Lashtë datojnë që nga periudha paleolitike.

2. Muzeu i Pallatit Golestan

Pallati mbretëror më i famshëm në Iran është Pallati Golestan. Arsyeja kryesore për këtë famë është se shumë mbretër iranianë e përdorën këtë kompleks si qendër të sundimit të tyre. Pallati i Sulltanit daton që nga epoka e mbretit Shah Abbas të dinastisë Safavide.

3. Muzeu i Pallatit Saadabad

Është e pamundur të flasësh për Muzeun e Pallatit Golestan pa përmendur Pallatin Saadabad si një nga muzetë më të mirë në Iran. Pallati Saadabad ishte në fakt rezidenca verore e mbretërve të dinastisë Kaxharide, dhe kur mbretëria Pahlavi I erdhi në pushtet, shumë ndërtesa u ndërtuan rreth tij, dhe gjatë sundimit të mbretërirsë Pahlavi II, ai u zgjodh zyrtarisht si rezidenca e mbretit.

4. Muzeu i xhevahireve

Xhevahiret janë një nga ato objekte që tërheqin vëmendjen e të gjithëve. Kombinimi i artit, industrisë dhe natyrës është një kombinim tërheqës që pak njerëz mund t’i rezistojnë këtij fenomeni. Është interesante të dihet se deri më sot, asnjë nga ekspertët dhe studiuesit nuk ka qenë në gjendje të vlerësojë vlerën e vërtetë të muzeut të xhevahireve. Xhevahiri më i famshëm i këtij thesari magjepsës është diamanti rozë i quajtur "Deti i Dritës".

5. Muzeu i Artit Bashkëkohor

Muzeu më i rëndësishëm i artit në Iran është Muzeu i Artit Bashkëkohor, i cili u hap në vitin 1977. Thuhet se ky muze është një nga koleksionet kryesore në botë të artit modern. Në Muzeun e Artit Bashkëkohor mund të shihni shumë vepra nga artistë të famshëm botërorë, përfshirë Picasso, Gauguin dhe Renoir.

6. Muzeu i Mbrojtjes së Lavdishme

Muzeu i Mbrojtjes së Lavdishme ruan në vete çdo figurë të famshme dhe të rëndësishme nga lufta tetëvjeçare e imponuar midis Irakut dhe Iranit. Muzeu përbëhet nga seksione të ndryshme, me përjashtim të Sallës së Fluturave, të cilat janë kryesisht narrative në natyrë. Ndër pjesët interesante të Muzeut të Mbrojtjes së Lavdishme janë rindërtimi i pjesëve të Khorramshahr, përfshirë Xhaminë e Madhe.

7. Muzeu i Mauzoleut Razavi

Muzeu i Mauzoleut Razavi, i vendosur në qytetin e Mashhadit dhe ngjitur me Mauzoleun e Imam Reza (a.s.), konsiderohet si një nga muzetë më të mirë në Iran. Objektet e ruajtura në Muzeun e Mauzoleut Razavi kanë një pozitë unike në kulturën iraniane, si në aspektin e vlerës materiale ashtu edhe shpirtërore. Kompleksi i Muzeut Mauzoleut Razavi u hap në vitin 1945. Shumë nga objektet e muzeut janë dhurata që pronarët dhe koleksionistët i kanë dhuruar kompleksit të Mauzoleut të Imam Riza (a.s.).

8. Muzeu Pars, Shiraz

Muzeu Pars i Shirazit, i ndërtuar pranë varrit të Karim Khan Zand, është një nga muzetë më të vjetër dhe më të rëndësishëm në Iran. Arkitektura e Muzeut Pars është interesante, së bashku me veprat e vlefshme që ai strehon. Ndërtesa tetëkëndëshe e muzeut ndodhet pranë ndërtesës Kolah Farangi, e cila është projektuar me gdhendje autentike iraniane, mahnit sytë e çdo vizitori.

9. Muzeu i Ujit në Jazd

Provincat e pllajës qendrore të Iranit janë përballur prej kohësh me mungesa uji, dhe uji, si një nga burimet natyrore më strategjike, gjithnjë ka luajtur një rol të rëndësishëm në ekuacionet e energjisë. Për shpërndarjen e barabartë të ujit, objektet që lidhen me furnizimin me ujë dhe sistemin e ujitjes duhej të ishin aq të përparuara saqë u jepnin sundimtarëve të qyteteve të shkretëtirës mundësinë për të menaxhuar ujin. Çdo informacion që dëshironi të dini rreth qasjes së paraardhësve ndaj ujit dhe mënyrës së menaxhimit të burimeve ujore është në dispozicionin tuaj në Muzeun e Ujit të Jazdit. Një muze tërheqës që konsiderohet një trashëgimi e vlefshme kulturore.

10. Muzeu i Muzikës në Esfahan

Një nga muzetë më të mirë privatë në Iran është Muzeu i Muzikës në Esfahan, i cili u themelua në vitin 2015. Në këtë muze unik iranian, janë të ekspozuara më shumë se 300 instrumente muzikorë, dhe vizitorëve u tregohet se si t'i përdorin dhe t'i luajnë ato.