Irani deri më tani, si u është përgjigjur sulmeve të regjimit sionist ?

Pars Today – Në përgjigje të agresionit dhe veprimit agresiv të regjimit sionist në sulmin kundër Iranit, Republika Islamike e Iranit ka lëshuar me qindra raketa balistike në territoret e pushtuara dhe fundi i këtyre sulmeve nuk është njoftuar ende.

Pas agresionit dhe veprimit agresiv të regjimit sionist kundër Iranit Islamik, i cili rezultoi në martirizimin e një grupi komandantësh të rangut të lartë të forcave të armatosura, shkencëtarë të shquar dhe qytetarë të pafajshëm iranianë, veçanërisht fëmijë të pafajshëm, Ajetollah Khamenei, Udhëheqësi i Revolucionit Islamik, në një mesazh televiziv njoftoi: "Regjimi sionist bëri një gabim të madh, bëri një marrëzi të madhe dhe pasojat do ta fusin atë në mjerim."

Pas këtij mesazhi televiziv, Trupat e Gardës Revolucionare Islamike nisën përgjigjen e tyre shkatërruese dhe precize kundër dhjetëra objektivave, qendrave ushtarake dhe bazave ajrore të regjimit sionist në territoret e pushtuara, Operacionin "Premtimi i Vërtetë 3" me kodin e shenjtë "Ali ibn Abi Talib (as). Ky artikull shqyrton se si Irani iu përgjigj këtij sulmi.

Fillimi i operacionit rreth orës 12:00 sipas kohës së Teheranit

Rreth orës 12:00, forcat e armatosura iraniane duke qëlluar me qindra raketa të ndryshme balistike drejt territoreve të pushtuara nisën Operacionin "Premtimi i Vërtetë 3" që është një përgjigje vendimtare ndaj sulmit brutal të regjimit sionist. Në përgjigje të këtij sulmi, duke cituar ushtrinë izraelite CNN raportoi: "I gjithë Izraeli është nën zjarrin e vazhdueshëm të Iranit". Konferenca për shtyp e zëdhënësit të ushtrisë izraelite gjithashtu u ndërpre në të njëjtën kohë kur filloi operacioni "Premtimi i Vërtetë 3" në territoret e pushtuara.

Vala e Dytë

Vala e dytë e sulmeve iraniane në territoret e pushtuara filloi rreth orës 23:00, dhe sipas Organizatës së Radios dhe Televizionit Izraelit, rreth 100 raketa u qëlluan nga Irani drejt territoreve të pushtuara. Al-Mayadeen raportoi se raketat iraniane goditën drejtpërdrejt Tel Avivin. Mediat hebraike gjithashtu raportuan se flakët u panë duke u ngritur pranë Al-Kiryah, selisë së Ministrisë së Luftës në Tel Aviv.

Vala e Tretë

Ishte rreth orës 2 të mëngjesit kur mediat izraelite raportuan valën e tretë të sulmeve raketore iraniane në territoret e pushtuara. Në këtë sulm, një numër raketash të lëshuara nga Irani tejkaluan me sukses mbrojtjen ajrore izraelite dhe goditën objektiva specifike në territoret e pushtuara. Mediat izraelite raportuan se një nga raketat iraniane goditi një ndërtesë 50-katëshe në Tel Aviv. Burime izraelite raportuan se të paktën 150 raketa u qëlluan në valën e re.

Vala e Katërt

Al-Mayadeen njoftoi se vala e katërt e sulmeve raketore iraniane në territoret e pushtuara filloi në orën 5 të mëngjesit. Sipas mediave hebraike, raketat iraniane goditën Tel Avivin, Kodsin, Haifën, Beershebën, Bahirën dhe Galilenë dhe sirenat u dëgjuan nga veriu në jug të territoreve të pushtuara. Mediat izraelite gjithashtu raportuan zhurmën e shpërthimeve masive në veri. Janë të shumë ato media që këto sulme i kanë shpallur të paprecedenta. Media izraelite gjithashtu, duke cituar dëshmitarë okularë, tha se shpërthime të forta ndodhën në disa zona në veri të Izraelit. Raportet gjithashtu tregojnë se disa shpërthime tronditën portin e Haifës.

Vala e Pestë

Rreth orës 6:20 të mëngjesit, media izraelite raportoi fillimin e valës së pestë të sulmeve me raketa iraniane, duke thënë se seria e pestë e raketave iraniane kishte si objektiv të gjitha pjesët e Izraelit. Sipas mediave izraelite, vala e pestë e raketave iraniane ka goditur objektiva në Tiberias, Lartësitë e pushtuara të Golanit dhe Galilenë e Poshtme. Media izraelite raportoi se të paktën gjashtë ndërtesa u shkatërruan plotësisht në valën e fundit të sulmeve me raketa iraniane në Tel Aviv.

Cilat ishin objektivat e operacionit "Premtimi i Vërtetë"?

Gjenerali i Brigadës Ahmad Vahidi, këshilltar i komandantit të përgjithshëm të Trupave të Gardës Revolucionare Islamike, tha: Më shumë se 150 objektiva u shënjestruan në disa faza në operacionin "Premtimi i Vërtetë 3" dhe në secilën fazë, regjimit izraelit me planifikim e saktë të Forcave Hapësinore iu dha një goditje e rëndë. Duke iu referuar objektivave të këtij operacioni në qendër të territoreve të pushtuara, ai shtoi: Baza ajrore Navatim dhe baza ajrore Ovda, të cilat janë qendra të rëndësishme ku ndodheshin avionë F-35, F-16 dhe F-15 dhe qendra të transportit dhe furnizimit me karburant dhe një qendër komandimi ishin pikat fillestare të sulmit të Iranit në Izrael.

Gjenerali Vahidi theksoi: Tel Navaf, i cili është një tjetër qendër e rëndësishme ajrore pranë Tel Avivit, gjithashtu u godit pavarësisht mbrojtjes së tij të fortë. Qendrat e industrisë ushtarake që kryenin operacione raketore dhe ministria e tyre e luftës gjithashtu u shënjestruan në sulmet me raketa.

Ai sqaroi: Sot, me fuqinë dhe aftësinë e madhe të forcave të armatosura iraniane, ne u dhamë atyre një mësim të rëndë në mënyrë që ata ta dinë se përllogaritjet e tyre janë boshe dhe duke bërë një gabim të madh e kanë futur veten në një situatë të rrezikshme.

A do vazhdojnë sulmet?

Irani ende nuk e ka njoftuar fundin e operacionit "Premtimi i Vërtetë 3". Në këtë kontekst, ambasadori amerikan në Tel Aviv rrjetit CNN i tha: " Në Izrael Ishte një natë e vështirë dhe presim që Irani të vazhdojë të lëshojë raketa drejt Izraelit.”