Pse hesht Grupi G7 përballë agresionit të regjimit sionist?

Pars Today - Esmail Baghaei, zëdhënësi i Ministrisë së Punëve të Jashtme të Iranit, në përgjigje të deklaratës së njëanshme të liderëve të G7, theksoi: "Ndaloni retorikën e njëanshme dhe dënoni agresorin".

Zëdhënësi i Ministrisë së Jashtme të Iranit në llogarinë X shkroi: "Deklarata e liderëve të G7 ka injoruar hapur agresionin izraelit kundër Iranit, sulmet e paligjshme në infrastrukturën paqësore bërthamore të Iranit dhe shënjestrimin brutal të zonave të banuara dhe vrasjen e qytetarëve tanë". Baghaei shtoi se shtetet anëtare të G7, veçanërisht tre anëtarët e përhershëm të Këshillit të Sigurimit të OKB-së, duhet të marrin përgjegjësi ligjore dhe morale për këtë akt të rëndë agresioni kundër një anëtari të Kombeve të Bashkuara. Lufta agresive e Izraelit kundër Iranit është një goditje e dëmshme për Kartën e OKB-së dhe ligjin ndërkombëtar”, tha zëdhënësi i Ministrisë së Jashtme të Iranit. Ajo gjithashtu është një sulm i paprecedentë ndaj parimit të regjimit për mos përhapjen e armëve bërthamore dhe paktit të mbrojtjes që regjimi në fjalë duhet t'u japë vendeve jo-bërthamore kundrejt sulmeve të tilla. Baghaei gjithashtu tha se Irani po mbrohet kundër agresionit shtypës. Këshilli i Sigurimit dhe shtetet e tij anëtare nuk duhet të minojnë qëllimin parimor të Kombeve të Bashkuara. Rruga drejt stabilitetit rajonal kërkon një fund të menjëhershëm të agresionit izraelit dhe një përgjigje ndaj shkeljeve të ligjit ndërkombëtar, tha ai. Udhëheqësit e G7, në takimin e tyre të fundit në Alberta të Kanadasë, lëshuan një deklaratë të përbashkët, duke injoruar krimet e regjimit sionist dhe sulmet e tij agresive ndaj Iranit dhe duke shprehur mbështetjen e tyre për atë që ata e quajtën "siguria izraelite". Deklarata erdhi pasi regjimi sionist nga 13 qershori sulmoi objektet e programeve civile, ushtarake dhe bërthamore të Iranit. Një akt agresor, që është në kundërshtim me ligjin ndërkombëtar dhe Kartën e OKB-së. Ky agresion ka martirizuar një numër komandantësh ushtarakë iranianë, figura bërthamore dhe civilë. Në përgjigje të këtyre sulmeve, Forcat e Armatosura të Republikës Islamike të Iranit nisën operacionin "Premtimi i Vërtetë 3" kundër objektivave ushtarake në territoret e pushtuara. Vitet e fundit, regjimi sionist është mbështetur gjithmonë hapur nga Shtëpia e Bardhë dhe aleatët e saj perëndimorë, pavarësisht shkeljes së ligjit ndërkombëtar dhe gjenocidit ndaj palestinezëve. Nisur nga ky fakt, mbështetja e krerëve të G7 për Tel Avivin nuk është e re apo e papritur. Udhëheqësit kriminalë të regjimit sionist me mbështetjen e Perëndimit dhe mospërfilljen e tyre ndaj krimetëve të këtij regjimi, vazhdojnë veprimet e tyre kundër të drejtave të njeriut. Përgjigja e Republikës Islamike të Iranit ndaj deklaratës së njëanshme të liderëve të Grupit të Shtatë është ngritja e kërkesave logjike dhe legjitime të Teheranit nga komuniteti ndërkombëtar. Në këto rrethana, janë liderët e Shteteve të Bashkuara dhe qeverive perëndimore ata që duhet të mbajnë përgjegjësi për veprimet e regjimit të paligjshëm, i cili ka përfituar gjithmonë nga mbështetja e tyre. Sulmet agresive të regjimit sionist ndaj Iranit janë në kundërshtim me ligjin ndërkombëtar dhe Kartën e OKB-së, dhe është e drejta natyrore e Iranit për të mbrojtur dhe reaguar ndaj agresorit. Pika kryesore, në pozicionin e zëdhënësit të Ministrisë së Jashtme iraniane, është përgjegjësia e vendeve që mbështesin Tel Avivin si bashkëpunëtorë të krimeve të sionistëve. Nga këndvështrimi i Iranit, heshtja dhe pasiviteti i Kombeve të Bashkuara dhe institucioneve të lidhura me të kundrejt krimeve dhe agresionit të sionistëve është një veprim i papranueshëm pasi kjo organizatë duhet të jetë e përgjegjshme dhe të veprojë sipas detyrave të saj ndaj anëtarëve të vet. Republika Islamike e Iranit ka theksuar gjithmonë se regjimi i paligjshëm sionist është një kërcënim serioz për sigurinë e rajonit dhe botës islame dhe se veprimet agresive të regjimit sionist zbuluan legjitimitetin e qëndrimeve të Iranit. Udhëheqësit e grupit G7 gjithashtu duke nxjerrë parulla që janë në kundërshtim me realitetet aktuale të rajonit, nuk mund të justifikojnë krimet e sionistëve përballë opinionit publik të botës, përfshirë edhe atë në Perëndim.