Vendet arabe dënojnë agresionin e regjimit sionist kundër Iranit
Pars Today- Në fund të takimit të tyre në Stamboll, ministrat e jashtëm të vendeve arabe dënuan agresionin e regjimit sionist kundër Iranit dhe paralajmëruan se veprimet e regjimit do ta çojnë rajonin drejt konfliktit dhe luftës.
“Ne dënojmë agresionin kundër Republikës Islamike të Iranit nga regjimi pushtues izraelit dhe shkeljen e sovranitetit të tij”, thanë në një deklaratë ministrat e jashtëm të vendeve arabe. Deklarata paralajmëroi për veprimet e regjimit sionist në rajon, duke theksuar se regjimi pushtues izraelit po e çon rajonin drejt një konflikti të gjerë. Ministrat e jashtëm të vendeve arabe iu referuan gjithashtu mbajtjes së disa raundeve të bisedimeve indirekte midis Iranit dhe Shteteve të Bashkuara të ndërmjetësuara nga Omani dhe theksuan: "Ne duam kthimin në negociata për të arritur një marrëveshje për çështjen bërthamore iraniane". Duke kritikuar heshtjen e komunitetit ndërkombëtar ndaj veprimeve të regjimit sionist në rajon dhe shkeljen e sovranitetin të vendeve të rajonit, ministrat e jashtëm të vendeve arabe theksuan: "Ne bëjmë thirrje për ndërhyje efektive dhe vendimtare ndërkombëtare për të ndaluar veprimet dhe politikat agresive të Izraelit në rajon". Deklarata erdhi pas takimit të jashtëzakonshëm të ministrave të jashtëm të Ligës Arabe të kryesuar nga ministri i Jashtëm turk Hakan Fidan që filloi punimet të premten në mbrëmje në Stamboll. Mëngjesin e së premtes, më 13 qershor, një numër komandantësh ushtarakë, shkencëtarësh dhe civilësh u martirizuan pas agresionit izraelit kundër Teheranit dhe një sërë qytetesh në vend. Pas këtij krimi të regjimit sionist, Lideri Suprem i Revolucionit Islamik në një mesazh televiziv theksoi: Forcat e Armatosura do ta mjerojnë regjimin sionist. Në përgjigje të sulmit brutal të regjimit sionist, Republika Islamike e Iranit filloi Operacionin Premtimi i Vërtetë 3, duke gjuajtur me dhjetëra raketa në territoret e pushtuara. Pas vazhdimit të agresionit të regjimit sionist deri më tani, fazat e ardhshme të Operacionit Premtimi i Vërtetë 3 do të kryen në ditët në vijim. Raportet në terren, imazhet satelitore dhe përgjimet e inteligjencës tregojnë se deri më tani me dhjetëra raketa kanë goditur në mënyrë efektive objektivat strategjikë.
