Kapaciteti i centraleve energjetikë të Iranit, në prag të 100 mijë megavatëve

Pars Today - Ministri i Energjisë i Iranit njoftoi një rritje rekord prej 8000 megavatësh në kapacitetin nominal të prodhimit të energjisë elektrike të vendit gjatë vitit të kaluar.

Sipas Pars Today, duke cituar Agjencinë Iraniane të Transmetimeve Radio-Televizive, ministri iranian i Energjisë, Abbas Aliabadi, njoftoi të martën, në prag të ceremonisë së vënies në punë dhe fillimit të operacioneve ekzekutive të projekteve të industrisë së energjisë elektrike në Provincën Isfahan (Irani Qendror), se kapaciteti i centraleve energjetike të Iranit së shpejti do të kalojë 100,000 megavatët.

Duke theksuar zhvillimin e vazhdueshëm të infrastrukturës energjetike, ai shtoi: "Me inaugurimet e ardhshme, rrjeti elektrik i Iranit do të forcohet në një masë të tillë sa do të bëhet rrjeti më i madh në rajon."

Duke iu referuar menaxhimit të konsumit në stinët e ftohta, ministri i Energjisë i Iranit tha: "Vjeshta dhe dimri kaluan pa asnjë ndërprerje të planifikuar."

Aliabadi njoftoi shtimin e rreth 7000 megavatëve të kapacitetit të ri centralor në verë dhe deklaroi: "Nëse vazhdon bashkëpunimi i abonentëve, do të jetë e mundur të rriten eksportet e energjisë elektrike në vendet e rajonit."