Pezeshkian: Asnjë presion nuk do ta gjunjëzojë Iranin

ParsToday - Presidenti iranian theksoi: "Së pari, në mendjet e drejtorëve të sektorëve të ndryshme duhet të formohet besimi se vendi do të qeveriset me dinjitet dhe krenari dhe se asnjë presion nuk mund ta mposhtë Iranin; kur të krijohet ky besim, do të gjenden zgjidhje për çdo sfidë dhe problem”.

Sipas ParsToday, Presidenti iranian Masoud Pezeshkian, të shtunën në një takim me guvernatorët në të gjithë Iranin, e konsideroi kënaqësinë e përgjithshme të popullit me performancën e qeverisë në këtë pikë kritike një burim krenarie, ndërsa shtoi: "Bazuar në anketa dhe sondazhe, gati 80 përqind e popullit janë deklaruar të kënaqur me masat që qeveria ka ndërmarrë gjatë kësaj periudhe; ky nivel besimi dhe mbështetjeje është një nder i madh për institucionet e qeverisjes dhe menaxhimit të vendit”.

Pezeshkian vazhdoi duke dënuar veprimet kriminale të Shteteve të Bashkuara të Amerikës dhe regjimit sionist, duke i konsideruar këto sjellje një shembull të qartë të kontradiktës midis pretendimeve dhe veprimeve të atyre që pretendojnë të drejtat e njeriut, dhe vuri në dukje: “Ata që vrasin hapur zyrtarë, shkencëtarë, njerëz të pafajshëm, studentë dhe qytetarë të vendit tonë, por edhe të vendeve në rajon, janë të njëjtët që pretendojnë se mbrojnë demokracinë, njerëzimin dhe të drejtën ndërkombëtare, dhe me paturpësi të plotë, akuzojnë kombin iranian për terrorizëm; kjo situatë është një katastrofë e madhe në rendin aktual botëror”.

Në një pjesë tjetër të fjalës së tij, ai theksoi unitetin unik të kombit iranian dhe deklaroi: "Populli iranian ka treguar se nuk do të përkulet para politikës arrogante, kërcënimeve dhe terrorit. Sot, Irani, me 90 milionë banorët e tij, me të gjitha etnitë, shijet, gjuhët, esnafet, akademikët, të rinjtë, klerikët, biznesmenët dhe elitat, qëndron i bashkuar dhe i unifikuar kundër armikut, dhe ky unitet kombëtar konsiderohet kapitali më i madh i vendit”.

Në përfundim, Pezeshkian theksoi besimin e tij të fortë në unitetin e botës islame dhe tha: "Të gjitha vendet islame janë vëllezërit dhe motrat tona, dhe ky nuk është një qëndrim politik apo një slogan në një situatë lufte, por më tepër një besim i thellë. Nëse myslimanët bashkohen, ata mund ta transformojnë ekonominë, industrinë dhe të ardhmen e rajonit në një fuqi të madhe globale”.

Kërkoni video, na ndiqni: https://t.me/ParsTodayshqip