Gjeneral Asadi: Janë parashikuar veprime surprizuese për armikun

[TEHERAN], 2 Maj 2026, ParsToday – Zëvendësi i inspektimit të Shtabit Qendror "Khatam al-Anbiya" (s) ka njoftuar parashikimin e veprimeve surprizuese për t'u përballur me çdo nxitje të mundshme lufte nga armiqtë.

Mohammad Jafar Asadi gjeneral dhe zëvendësi i inspektimit të Shtabit Qendror "Khatam al-Anbiya" të Republikës Islamike të Iranit, në një bisedë ku analizoi zhvillimet në rajon dhe mundësinë e shpërthimit të tensioneve mes Iranit dhe Amerikës, deklaroi se një konflikt i ri mes dy vendeve është i mundshëm dhe se dëshmitë kanë treguar që Amerika nuk i qëndron asnjë zotimi apo marrëveshjeje. Ai pohoi se veprimet dhe deklaratat e zyrtarëve amerikanë kanë më shumë karakter mediatik, që synojnë së pari parandalimin e rënies së çmimit të naftës dhe së dyti daljen nga vështirësia që kanë krijuar vetë. Gjeneral Asadi tha se vlerësimi i ushtarakëve është që, pavarësisht nëse Amerika ndërmerr apo jo operacione kundër Iranit, ajo ka rënë në këtë kurth dhe nuk ka rrugëdalje. Ai, duke cituar fjalët e liderit dëshmor, shtoi se ashtu si regjimi sionist nuk do të jetë më ai i para operacionit "Stuhia e Al-Aksasë", edhe situata e Amerikës nuk do të kthehet më në atë të para sulmit ndaj Iranit. Zëvendësi i inspektimit të Shtabit Qendror gjithashtu, lidhur me përgjigjen e forcave të armatosura të Iranit ndaj çdo aventure apo marrëzie të radhës të amerikanëve, saktësoi se ekziston një gatishmëri e plotë për t'u përballur me çdo veprim armiqësor. Ai, duke theksuar se janë parashikuar veprime surprizuese për armikun, vuri në dukje se këto masa përballë luftënxitjes së armiqve janë përtej imagjinatës së tyre.

Kërkoni video, na ndiqni: https://t.me/ParsTodayshqip