Khatam al-Anbiya: Do të japim përgjigje dërrmuese ndaj çdo sulmi amerikan

Teheran, 18 maj 2026, ParsToday – Zëdhënësi i Shtabit Qendror të Khatam al-Anbiya (s) të Republikës Islamike të Iranit deklaroi se Shtetet e Bashkuara agresore dhe vendet që i mbështesin ato duhet ta dinë se Irani, si më parë, do të përgjigjet me forcë dhe pa asnjë hezitim ndaj çdo shkeljeje dhe sulmi.

Sipas ParsToday, kolonel i dytë i Gardës Revolucionare Ibrahim Zolfaghari, zëdhënës i Shtabit Qendror të Khatam al-Anbiya (s), tha se ushtria amerikane agresore, terroriste dhe grabitqare ka shkelur armëpushimin duke goditur një anije cisternë iraniane që po lëvizte nga ujërat bregdetare të Iranit në rajonin e Xhaskut drejt Ngushticës së Hormuzit, si dhe një anije tjetër që po hynte në Ngushticën e Hormuzit përballë portit Fuxheirah në Emiratet e Bashkuara Arabe, ndërsa njëkohësisht ka goditur zona civile në bashkëpunim me disa vende të rajonit në brigjet e Khomirit, Sirikut dhe ishullit Qeshm me sulme ajrore. Zolfaghari shtoi se forcat e armatosura të Republikës Islamike të Iranit menjëherë në një veprim kundërpërgjigjeje kanë goditur anijet luftarake amerikane në lindje të Ngushticës së Hormuzit dhe në jug të portit Çabahar, duke u shkaktuar atyre dëme të konsiderueshme, dhe theksoi se Shtetet e Bashkuara agresore dhe mbështetësit e tyre duhet ta dinë se Irani do të përgjigjet me forcë të plotë ndaj çdo sulmi dhe shkeljeje.

(Kërkoni video, na ndiqni: https://t.me/ParsTodayshqip)