Araghchi: Irani dhe Taxhikistani janë trashëgimtarë të qytetërimit të lashtë pers

Pars Today – Ministri i Punëve të Jashtme të Iranit, Abbas Araghchi, të shtunën pasdite, në takimin me Daler Juma, ministrin e Energjisë dhe Burimeve Ujore, dhe Azim Ibrohim, ministrin e Transportit të Republikës së Taxhikistanit, theksoi nevojën për shfrytëzimin e kapaciteteve të ndryshme ekzistuese në të dyja vendet për zhvillimin dhe përmirësimin e marrëdhënieve, veçanërisht në fushat ekonomike dhe tregtare.

Sipas Pars Today, duke cituar agjencinë e lajmeve IRNA, ministri i Punëve të Jashtme të Iranit, në këtë takim, theksoi: “Irani dhe Taxhikistani, si trashëgimtarë të qytetërimit të lashtë pers, kanë qenë gjithmonë pranë njëri-tjetrit dhe kanë qenë së bashku si në ditët e vështira, ashtu edhe në ditët e mira.”

Araghchi, duke iu referuar vizitave të ndërsjella të presidentëve të Iranit dhe Taxhikistanit dhe marrëveshjeve të arritura gjatë këtyre dy vizitave, theksoi nevojën për shfrytëzimin e kapaciteteve të ndryshme ekzistuese në të dyja vendet për zhvillimin dhe përmirësimin e marrëdhënieve, veçanërisht në fushat ekonomike dhe tregtare.

Ministrat e Energjisë dhe Burimeve Ujore dhe të Transportit të Republikës së Taxhikistanit, në këtë takim ku ishte i pranishëm edhe Farrokh Sharifzoda, zëvendësministër i Punëve të Jashtme të Taxhikistanit, shprehën kënaqësinë për nivelin e shkëlqyer të marrëdhënieve mes dy vendeve mike dhe theksuan vullnetin e vendosur të autoriteteve të larta të këtij vendi për zhvillimin dhe zgjerimin e mëtejshëm të marrëdhënieve, përfshirë në fushat e energjisë dhe transportit.

Ministrat taxhikë, gjithashtu, duke shprehur kënaqësinë për bisedimet me homologët e tyre iranianë, shprehën shpresën se me krijimin e një grupi të përbashkët pune dhe mekanizmave të dakordësuar, do të dëshmohet zbatimi i mirëkuptimeve të arritura, veçanërisht në fushat e energjisë dhe transportit.

(Kërkoni video, na ndiqni: https://t.me/ParsTodayshqip)