Araghchi: Imazhi i një Irani të dobët është zhdukur plotësisht

Pars Today – Ministri i Punëve të Jashtme të Iranit, duke iu referuar ndryshimit të politikës së jashtme të Iranit krahasuar me periudhën para luftës, tha se imazhi i një Irani të dobët është zhdukur.

Sipas Pars Today, duke cituar Agjencinë e Lajmeve të Republikës Islamike të Iranit (IRNA), Seyyed Abbas Araghchi, Ministri i Punëve të Jashtme të Iranit, në një intervistë për Portalin e Informacionit Qeveritar, lidhur me përpjekjet e aparatit diplomatik gjatë dy viteve të fundit, tha: “Sipas mendimit tim, periudha e pasluftës do të jetë krejtësisht ndryshe nga periudha para luftës për sa i përket politikës së jashtme të Iranit; imazhi i një Irani të dobët është zhdukur plotësisht.”

Ai shtoi: “Në ditën e dytë ose të tretë të luftës së Amerikës kundër Iranit, Trump postoi një mesazh në Twitter dhe shkroi dy fjalë: ‘Dorëzim pa kushte’. Ata kërkonin dorëzimin, por u zhgënjyen; kërkuan ndryshimin e regjimit, por u zhgënjyen; kërkuan copëtimin e vendit, por u zhgënjyen; kërkuan trazira të brendshme dhe ndoqën çdo plan që mundën, por nuk ia dolën ta çonin shpejt këtë luftë drejt përfundimit.”

Gharibabadi: Së shpejti do t’i korrigjojmë iluzionet e Trumpit të iluzionuar

Ndërkohë, Kazem Gharibabadi, Zëvendësministri i Punëve të Jashtme të Iranit, në rrjetet sociale, duke reaguar ndaj iluzionit të ri të Trumpit lidhur me ngushticën e Hormuzit, tha: “Ashtu siç Trumpi e shkroi saktë emrin e Gjirit të përhershëm Persik, së shpejti iluzioni i tij lidhur me Ngushticën e Hormuzit ose do të korrigjohet, ose ne do t’i korrigjojmë iluzionet e këtij të iluzionuari.”

(Kërkoni video, na ndiqni: https://t.me/ParsTodayshqip)