Hoxhatol-Islam Taeb: Iranianët, me çdo prirje, u përballën me armikun

Pars Today – Kreu i Organizatës Basixh-e Mostazafin të Iranit tha: “Sot, populli iranian, në bazat e rezistencës popullore, me prirje dhe sjellje të ndryshme, po qëndron përballë imperializmit.”

Sipas Pars Today, duke cituar Agjencinë e Lajmeve të Radio-Televizionit të Republikës Islamike të Iranit (IRIB), Hoxhë Hoxhatol-Islam vel-Muslimin Hossein Taeb, kreu i Organizatës Basixh-e Mostazafin të Iranit, të shtunën, në ceremoninë e katërt kombëtare të nderimit të aktivistëve të xhamive të Iranit, tha: “Xhamia nuk është vetëm vend adhurimi; ajo është bazë e rezistencës kulturore, sociale dhe madje ushtarake të popullit iranian.”

Sipas tij, “strategjitë e Imamit të ndjerë të Revolucionit dhe të Liderit Suprem të Revolucionit Islamik e kanë shndërruar xhaminë në një qendër qëndrese përballë imperializmit dhe pikërisht kjo ka bërë që populli iranian dhe njerëzit e lirë të botës ta shohin qartë mundësinë e rezistencës dhe fitores përballë armikut.

Hoxhë Taeb theksoi: “Sot, në bazat e Rezistencës, shihet si prania e njerëzve në xhami, ashtu edhe prania e tyre në fushat sociale dhe politike; njerëz me prirje dhe sjellje të ndryshme, të cilët kanë qëndruar përballë imperializmit dhe e kanë dëshmuar këtë qëndresë.”

Ai, duke iu referuar luftës së fundit dhe sjelljes së armikut, tha: “Armiku gjakatar hyri në luftë me Iranin duke përdorur të gjithë fuqinë e tij ushtarake dhe propagandistike, por kur pa se populli iranian nuk tërhiqej, u detyrua të kërkonte armëpushim dhe më pas negociata. Megjithatë, më vonë shkeli edhe dispozitat e asaj marrëveshjeje.”

Kreu i Organizatës Basixh-e Mostazafin të Iranit, duke iu referuar kapaciteteve të Forcave të Armatosura të Republikës Islamike të Iranit, tha: “Operacionet goditëse të Forcave të Armatosura të Iranit i nxorën në pah para syve të botës dobësitë e ushtrisë amerikane; një ushtri që, me një buxhet të jashtëzakonshëm dhe duke pasur në dispozicion të gjitha kapacitetet e inteligjencës dhe operacionale, mendonte se mund ta përfundonte çështjen e Iranit brenda një kohe të shkurtër.”

Ai shtoi: “Populli dhe Forcat e Armatosura të Iranit, në luftën e fundit, jo vetëm që nuk u dobësuan, por ishte armiku ai që u detyrua të tërhiqej, të pranonte armëpushimin dhe të hynte në negociata.”

(Kërkoni video, na ndiqni: https://t.me/ParsTodayshqip)