Irani eksporton naftë në Rusi

Një kontratë për eksportimin e naftës 100 mijë fuçi naftë në ditë nga Irani në Rusi, është nënshkruar gjatë punimeve të takimit ndërkombëtar ekonomik të Saint Petersburgut.

Bizhan Namdar Zangene, ministri i naftës së Iranit, më parë kishte deklaruar se në bazë të një marrëveshje e cila do të nënshkruhet së shpejt, 100 mijë fuçi naftë të papërpunuar të Iranit do të eksportohen në Rusi. Agjencia e lajmeve IRIB njoftoi se Masud Zamaninia, sekretari për çështje ndërkombëtare dhe tregtare në Ministrinë e Naftës së Iranit, së bashku me Muhamed Vaezi, ministrin e telekomunikacionit të Iranit, ka marrë pjesë në takimin ndërkombëtar të Saint Petersburgut. Në këtë kuadër kompania naftore e Rusisë Lukoil ka nënshkruar një marrëveshje për partneritet në projektet e naftës me kompaninë kombëtare të naftës së Iranit.