Irani paralajmëron mbi presionet e paligjshme të SHBA ndaj ANEA-së

Irani ka paralajmëruar për pasojat e çdo presioni "të paligjshëm" ndaj agjencisë së energjisë bërthamore të Kombeve të Bashkuara pasi ambasadorja e SHBA në Kombet e Bashkuara Nikki Haley vizitoi Vjenën për një shqyrtim të mundshëm të marrëveshjes bërthamore me Teheranin.

Misioni i përhershëm i Iranit në Agjencinë Ndërkombëtare të Energjisë Atomike (ANEA) lëshoi ​​paralajmërimin në një deklaratë të enjten, një ditë pasi Haley u takua me Drejtorin e Përgjithshëm të ANEA, Jukia Amano në kryeqytetin austriak. Deklarata tha se objektivat dhe rezultatet e udhëtimit të Haley në Vjenë "kundërshtojnë" Planin e Përbashkët të Veprimit dhe Rezolutën 2231, e cila u miratua më 20 korrik 2015 për të ratifikuar marrëveshjen bërthamore. Në deklaratë thuhet se Republika Islamike është plotësisht e vetëdijshme për detyrimet e saj në kuadrin e Traktatit të Mospërhapjes së Armëve Bërthamore (NPT), Protokollit Shtesë dhe kuadrit ligjor të ANEA, dhe mbetet e përkushtuar ndaj kushteve të tyre. “Megjithatë, Irani nuk do të lejojë një vend të veçantë të përfitojë nga rregullat e marrëveshjes bërthamore për objektivat e veta politike”, shtoi deklarata. Irani, thotë deklarata, pret që kreu i ANEA-së dhe inspektorët e saj të kryejnë detyrat e tyre me profesionalizëm dhe ndershmëri. Para udhëtimit të saj në Vjenë, Haley pohoi se vizita ishte një mision për zbulimin e fakteve dhe pjesë e shqyrtimit të Presidentit amerikan Donald Trump mbi marrëveshjen bërthamore me Teheranin. Uashingtoni dëshiron të dijë nëse ANEA planifikon të inspektojë objektet ushtarake iraniane gjatë verifikimit të përputhjes së Teheranit me kushtet e marrëveshjes bërthamore. Sipas marrëveshjes, u vendosën kufizime në aktivitetet bërthamore të Iranit në këmbim të heqjes së të gjitha sanksioneve anti-iraniane të lidhura me programin bërthamor, të Republikës Islamike. Dje, Ministri i jashtëm i Republikës Islamike të Iranit në një letër drejtua Jokia Amanos, drejtorit të përgjithshëm të ANEA, paralajmëroi mbi pikat negative të qëllimeve të Nikki Haley gjatë vizitës së saj në Vjenë. Në letrën e tij për z. Amano, Zarif shkroi: "Edhe para kësaj vizite, mënyra e planifikimit dhe e reklamimit  të saj dhe sinjali që ajo dërgon, ka pasoja të rëndësishme shkatërruese për zbatimin e suksesshëm të marrëveshjes bërthamore". Ambasadorja e Shteteve të Bashkuara në OKB me mbërritjen e saj arrin në Vjenë, në një intervistë me Washington Post, deklaroi se zyrtarët e ANEA pritet të përgjigjen ndaj pyetjeve të SHBA rreth efektivitetit dhe shtrirjes së inspektimeve të programit bërthamor të Iranit.