Izraeli nuk mund të përballojë koston e konfrontimit me Iranin

Një komandant i lartë iranian ka paralajmëruar se regjimi izraelit nuk do të jetë në gjendje të përballojë koston e një konfrontimi të mundshëm me Republikën Islamike.

"Sot, regjimi sionist e kupton dhe pranon fuqinë e Republikës Islamike të Iranit në rajon më shumë se në të kaluarën dhe do ta shmangë konfrontimin, sepse nuk mund të menaxhojë asnjë konfrontim me Iranin dhe të durojë koston e tij," deklaroi gjeneral-major Gholam Ali Rashid, komandanti operativ i bazës anti-ajrore Khatam al-Enbia, në një takim të dielën me zyrtarë të sigurisë dhe ekspertë të Gardës së Revolucionit Islamik. Ai shtoi se Irani kishte arritur të mposhtte grupin terrorist ISIS në rajon dhe rivendosjen e stabilitetit në Siri dhe Irak, duke theksuar se Republika Islamike gjithashtu kishte rritur fuqinë e saj parandaluese për të luftuar kërcënimet ushtarake dhe të sigurisë. Në një pjesë tjetër të fjalës së tij, komandanti i lartë i Gardës Revolucionare i  këshilloi Shtetet e Bashkuara të mos bien pre e politikave të regjimit sionist për të krijuar kriza dhe për të filluar konfliktet ushtarake. Gjeneral-major Rashid shtoi se SHBA dhe Izraeli kanë krijuar një front arab-hebraik-perëndimor kundër Iranit dhe kanë margjinalizuar çështjen e Palestinës, e cila është çështja më e rëndësishme e botës islamike.