Zakharova: Roli i Iranit në luftën kundër terrorizmit është i rëndësishëm

Zëdhënësja e Ministrisë së Jashtme ruse Maria Zakharova theksoi të dielën rolin e aktivitetit anti-terrorist të Iranit në Siri.

"Në kërkim të një zgjidhjeje politike dhe një aktiviteti efikas anti-terrorist në Siri, Irani mund të luajë dhe të planifikojë një rol të vërtetë efektiv dhe të rëndësishëm në luftën kundër terrorizmit", tha Zakharova në një intervistë me agjensinë e lajmeve IRNA. Ajo theksoi se roli i Iranit në luftën kundër terrorizmit ishte i rëndësishëm jo vetëm për Sirinë, por edhe për të gjithë rajonin. Diplomatja ruse gjithashtu vuri në dukje se një qëndrim armiqësor ndaj Iranit, së pari nga SHBA, "nuk do të sjellë as paqe, as qetësi në rajon dhe nuk do ta bëjë Evropën më të sigurt". 'Kërkesa e autoriteteve amerikane për t'u tërhequr në mënyrë të njëanshme nga marrëveshja bërthamore është një kërcënim për ligjet dhe sigurinë ndërkombëtare,' tha Maria Zakharova, duke shtuar se një veprim i tillë nuk do të shtojë asgjë për paqen dhe sigurinë ndërkombëtare.