Teherani po kërkon zgjidhje për të vazhduar shitjen e naftës

Nënpresidenti i parë i Iranit Is'hak Xhahangiri deklaroi se Teherani po kërkon zgjidhje për të vazhduar shitjen e naftës së papërpunuar pasi Shtetet e Bashkuara të ri-imponojnë sanksionet e tyre mbi sektorin energjetik të Iranit në fillim të nëntorit.

Duke folur të dielën në një intervistë me agjencinë e lajmeve IRNA, Xhahangiri vuri në dukje se vendet evropiane i kanë thënë Ministrisë së Jashtme të Iranit se para se sanksionet e SHBA të hyjnë në fuqi kundër sektorit të naftës dhe të sektorit bankar të Iranit, do të marrin masa për të kompensuar çdo humbje të mundshme që mund të pësojë Teherani. Nënpresidenti i parë iranian më tej tha se sanksionet amerikane nuk kanë krijuar kufizime deri tani për vendet evropiane në sektorin ekonomik, veçanërisht në lidhje me blerjet e naftës dhe shkëmbimet tregtare me Iranin. Xhahangiri vuri në dukje se disa kompani private, veçanërisht evropiane, e kanë lënë Iranin pas ri-vendosjes së sanksioneve të SHBA, por lëvizja e tyre nuk ka qenë "shumë përcaktuese". Zyrtari i lartë iranian shprehu shpresën se vendet evropiane do të përmbushnin angazhimet e tyre, duke theksuar se Teherani po harton plane për të gjitha rastet e paparashikuara.