Zarif bisedon me homologët e tij evropianë mbi sanksionet amerikane

Muhamed Xhavad Zarif ministër i jashtëm i Republikës Islamike të Iranit në një bisedë telefonike me Federika Mogherini shefe e politikës së jashtme të BE, me ministrin e jashtëm të Gjermanisë, Suedisë dhe Danimarkës diskutoi mbi raundin e ri të sanksioneve amerikane kundër Iranit.

Në këto biseda shefi i diplomacisë iraniane theksoi zbatimin e angazhimeve të Iranit kundrejt marrëveshjes bërthamore edhe pas zbatimit të sanksioneve të reja amerikane. Sanksionet e reja të Amerikës më shumë se çdo sektor tjetër kanë si objektiv fushën e energjisë. Rusia, Kina dhe vendet evropiane nënshkruese të marrëveshjes bërthamore, kanë theksuar vullnetin e tyre për ruajtjen e marrëveshjes bërthamore dhe marrjen e masave për tu përballur me raundin e ri të sanksioneve amerikane kundër Iranit.