Tregu global i naftës është në një situatë të brishtë

Ministri i naftës i Iranit tha të hënën se vizita e tij në Moskë kishte për qëllim diskutimin me homologun e tij rus mbi tregun global të naftës.

"Rusia është një nga prodhuesit më të mëdhenj të naftës në botë dhe ne duhet të flasim me miqtë tanë rusë për këtë çështje," u tha Bizhan Zangeneh gazetarëve pas arritjes në Moskë. "Tregu i naftës është në një situatë të brishtë në aspektin e ofertës dhe kërkesës," tha ai, "dhe prodhuesit duhet të jenë vigjilentë në mënyrë që të parandalojnë problemet në treg, veçanërisht pas masave që SHBA ka marrë kundër prodhuesve të mëdhenj të naftës. Duke iu referuar sanksioneve të naftës të imponuara nga Uashingtoni për Iranin dhe Venezuelën, ministri tha se një pjesë e bisedimeve me zyrtarët rusë do të përqendroheshin në problemet e shkaktuara nga prodhuesit e naftës, duke përfshirë Libinë dhe Nigerinë. Zangeneh dhe homologu i tij rus Alexander Novak gjithashtu do të diskutojnë zhvillimin e fushave iraniane të naftës nga kompanitë ruse.