Abdulahian paralajmëron mbi pasojat e veprimeve anti-iraniane të Arabisë Saudite

Asistenti special i kryetarit të parlamentit islamik të Iranit, ka paralajmëruar mbi pasojat e veprimeve anti-iraniane të Arabisë Saudite.

Husein Amir Abdulahian në një mesazh të tij në Twitter ka thënë: Nëse sauditët nuk ndërpresin shërbimin e tyre për Amerikën në luftën ekonomike kundër Iranit, duhet të presin vendime të reja dhe shokuese. Koha për vazhdimin e politikave të pista të sauditëve, emiratasve dhe izraelitëve po përfundon me shpejtësi. Arabia Saudite në takimin e krerëve arabë të Këshillit për Bashkëpunim të Gjirit Persik në Mekë dhe në takimin e krerëve të OBI ka mbajtur qëndrime kundër Iranit.