Musavi: Grupet e brendshme të Sudanit të respektojnë kërkesat e qytetarëve

Zëdhënësi i Ministrisë së Punëve të Jashtme të Iranit në lidhje konfliktin për pushtet në Sudan, deklaroi se ekziston shqetësim i thellë për konfliktin për pushtet në Sudan dhe për shndërrimin e këtij vendi në një arenë të luftës së faktorëve të huaj, prandaj kërkohet nga grupet e brendshme të Sudanit që të respektojnë kërkesat e qytetarëve.

Agjencia e lajmeve IRNA njoftoi se Sejed Abas Musavi, zëdhënësi i Ministrisë së Punëve të Jashtme të Iranit, deklaroi: “Shpresojmë që të gjitha grupet politike dhe ushtarake të Sudanit të respektojnë kërkesat dhe vullnetin e qytetarëve dhe t’i japin fund konflikteve dhe të bëjnë hapa serioz në rrugën e kthimit të stabilitetit dhe sigurisë në këtë vend”.

Zëdhënësi i Ministrisë së Punëve të Jashtme të Iranit theksoi nevojën për të respektuar kërkesat dhe vullnetin e qytetarëve dhe rëndësinë e dorëzimit të administrimit të çështjeve te partitë politike civile, ndërsa shtoi: “Është e domosdoshme që të gjitha palët e përfshira në këtë krizë të shmangen nga qëndrimet që thellojnë akuzat dhe urrejtjen e brendshme dhe humbin besimin e grupeve te njëri-tjetri dhe të bëjnë përpjekje të dalin nga kjo krizë nëpërmjet rrugëve politike dhe demokratike dhe dialogut mes të gjitha grupeve”.