Fuqia mbrojtëse e Iranit parandaloi veprimin SHBA-së pas rrëzimit të dronit
Komandanti i lartë ushtarak i Iranit deklaroi se fuqia mbrojtëse e Republikës Islamike i pengoi SHBA-të të ndërmarrin një veprim hakmarrës kundër Iranit pas rrëzimit të një droni amerikan nga mbrojtja ajrore iraniane.
" SHBA synonin të ndërmernin veprime kundër nesh pas rrëzimit të dronit pa pilot Global Hawk, por ndryshuan mendjen nën pretekstin se disa njerëz do të vriteshin si rezultat i aksionit ushtarak kundër Iranit, por kjo tërheqje ishte për shkak të fuqisë tonë preventive", tha të mërkurën Shefi i Shtabit të Forcave të Armatosura të Iranit, Gjeneral Major Muhamed Bakeri. Ai shtoi se fuqia e madhe mbrojtëse e Iranit buron nga mendimi iranian dhe masat e kujdesshme të Udhëheqësit të Revolucionit Islamik të Iranit, Ajetollah Khamenei. Shefi i Shtabit të Forcave të Armatosura të Iranit deklaroi se falë Revolucionit Islamik, kombi iranian ka qëndruar i papërkulur në sektorët e mbrojtjes dhe të sigurisë, megjithë problemet e panumërta.