Zarif: Ekipi-B dëshiron ta luftojë Iranin deri te amerikani i fundit

Ministri i Jashtëm iranian, Muhamed Xhavad Zarif tha se Arabia Saudite me aleatët amerikanë dhe Emiratet e Bashkuara Arabe me sa duket dëshirojnë të "luftojnë Iranin deri te amerikani i fundit ".

Në një postim në llogarinë e tij në Twitter të Premten, Zarif ju përgjigj pretendimeve të mëparshme të Sekretarit të Shtetit të SHBA, Mike Pompeo gjatë një vizite në Abu Dhabi,  ku ai pretendoi se Irani po kërcënon për një luftë gjithëpërfshirëse dhe do të luftojë kundër amerikanit të fundit. Në postimin e tij, diplomati i lartë iranian hodhi poshtë pretendimet e homologut të tij amerikan dhe tha: "Pompeo e ka atë në anën tjetër: Nuk është Irani që dëshiron të luftojë deri në amerikanin e fundit; përkundrazi, është Ekipi-B që duket se dëshirojnë të luftojnë Iranin deri te amerikani i fundit ". Ai përsëriti edhe një herë se Irani nuk ka "dëshirë për luftë", por theksoi se Republika Islamike do të mbrojë dhe gjithmonë ka mbrojtur popullin dhe kombin e saj. Tensionet janë rritur ndjeshëm si rezultat i akuzave kundër Iranit, të cilat Teherani i ka refuzuar, duke i quajtur ato një përpjekje të Shtëpisë së Bardhë për të kaluar nga një fushatë e dështuar e "presionit maksimal" në një fushatë të ""mashtrimit  maksimal" kundër Republikës Islamike.