Arrestohen disa elementë të ISIS dhe Pezhak në perëndim të Iranit

Prefektura e provincës Kermanshah në perëndim të Iranit njoftoi arrestimin e disa elementëve të ISIS dhe grupit Pezhak.

Disa elementë të grupeve terroriste ISIS dhe Pezhak të cilët duke shfrytëzuar trazirat dhe protestat e disa ditëve më parë në Iran, sulmuan pronën publike dhe të popullit në qendrat ekonomike, janë arrestuar, kat hënë Hushang Bazvand, prefekti i provincës Kermanshah. Ai vuri në dukje mbështetjen e faktorit të huaj ndaj trazirave dhe vandalizmave në disa qytete të Iranit dhe tha; Populli iranian me vigjilencë dhe vetëdije të plotë u distancua plotësisht nga vandalët dhe huliganët. Ndërkohë zëdhënësi i gjyqësorit të Iranit deklaroi se forcat elitare të mbrojtjes së Iranit kanë kapur rreth 100 nga drejtuesit e trazirave që ndodhën në të gjithë vendin nën maskën e protestave ndaj rritjes së çmimit të karburantit. "Rreth 100 prej organizatorëve kryesorë si dhe elementët kryesorë që ndodheshin prapa trazirave të fundit janë identifikuar dhe arrestuar nga Korpusi i Rojeve të Revolucionit Islamik në pika të ndryshme në të gjithë vendin," tha Gholam-Husein Ismaili. Agjencia e lajmeve IRNA raportoi se zëdhënësi i organit gjyqësor të Iranit theksoi se trazirat kishin përfunduar dhe "qetësia u rikthye në vend nën drejtimin e Liderit Suprem të Revolucionit Islamik Ajetollah Khamenei dhe si rezultat i ndarjes së radhëve të njerëzve nga rebelët dhe vandalët, si dhe me përpjekjet e bëra nga forcat e sigurisë dhe zbatimit të ligjit ”. "Siguria, me të cilën ne kemi siguruar njerëzit tanë, është ajo që ne konsiderojmë se është një burim krenarie për ne midis vendeve të rajonit. Ne jemi të gatshëm të sakrifikojmë jetën për ta, "pohoi z.Ismaili, ndërsa këshilloi që njerëzit që posedojnë informacion dhe dëshmi në lidhje me trazirat të paraqiten për të ndihmuar procesin.