Jemeni i aftë t'i japë goditje të rënda armikut

Ministri i mbrojtjes i Iranit deklaroi se forcat e armatosura të Jemenit janë bërë të vetë-mjaftueshme në prodhimin e pajisjeve të tyre të nevojshme dhe aktualisht janë të afta për t'u dhënë goditje të rënda forcave të armikut.

Gjeneral brigade Amir Hatami i bëri këto deklarata të hënën në një takim me ambasadorin e ri të Jemenit në Teheran, Ibrahim Mohammad al-Dailami. "Këto arritje e kanë çuditur botën dhe në fakt jemenasit kanë ecur në rrugën që kanë përshkuar Forcat e Armatosura të Iranit gjatë tetë viteve të Mbrojtjes së Shenjtë," shtoi ministri Hatami, duke iu referuar përparimit që kanë bërë në fushën e teknologjisë së armëve Forcat e Armatosura Jemenase të mbështetura mbi ekspertët vendas. "Sot, Jemeni ka arritur një nivel të aftësisë ushtarake që mund të depërtojë thellë në frontin e armikut, të sulmojë objektet e armikut nga një distancë prej më shumë se 1000 kilometrash, të krijojë deterrencë dhe të prishë ekuacionet e sigurisë ushtarake-politike në rajon," tha Gjeneral brigade Amir Hatami. Ministri iranian i Mbrojtjes gjithashtu theksoi se kriza jemenase do të zgjidhet përmes konsultimit dhe dialogut midis të gjitha partive politike në vend, duke shtuar se kriza jemenase nuk ka zgjidhje ushtarake.