Ministri i jashtëm i Holandës viziton Teheranin

Ministri i punëve të jashtme të Holandës të premten do të zhvillojë një vizitë në Teheran për të biseduar me ministrin e punëve të jashtme të Iranit.

Zyra informative e Ministrisë së Punëve të Jashtme të Iranit njoftoi se Stef Blok, ministri i punëve të jashtme të Holandës, në këtë vizitë dyditore do të bisedojë me autoritetet iraniane në lidhje me marrëdhëniet bilaterale, zhvillimet rajonale dhe çështjet ndërkombëtare.

Ministri i jashtëm i Holandës gjatë kësaj vizite do të takohet dhe bisedojë me ministrin e jashtëm iranian Muhamed Xhavad Zarif dhe me z. Hasan Ruhani, presidentin e Republikës Islamike të Iranit.