Denoncohen sanksionet mizore të SHBA kundër Iranit

Mikhail Ulyanov, përfaqësuesi i përhershëm i Rusisë në organizatat ndërkombëtare me qendër në Vjenë, kritikoi të hënën vazhdimin e sanksioneve amerikane të vendosura ndaj Republikës Islamike të Iranit dhe Venezuelës në mes të përhapjes së shpejtë të pandemisë së koronavirusit.

Në një mesazh në llogarinë e tij në Twitter, ai shkroi: «Pandemia Covid-19 dikton nevojën për solidaritet të të gjitha shteteve. Pse Venezuela dhe Irani mbeten subjekt i sanksioneve? Pse Rusia, Kina dhe Kuba janë të vetmet që ofrojnë ndihmë për Italinë në periudha të vështira? Ku është BE dhe ku janë SHBA? Diçka nuk është në rregull në botën e sotme. " Në muajin e kaluar, pas përhapjes së epidemisë Covid-19 në Iran dhe në  vendet e tjera të botës, shumë liderë përfshirë ata nga Turqia, Rusia, Pakistani dhe Kina kanë bërë thirrje për heqjen e sanksioneve amerikane kundër Iranit të cilat e kanë bërë të vështirë dërgimin e pajisjeve dhe furnizimeve mjekësore për të luftuar koronavirusin. Pandemia globale që prek shumicën e vendeve në botë, përfshirë Iranin, ka rritur presionin ndaj Shteteve të Bashkuara për të lehtësuar sanksionet ndaj Teheranit, raportoi Bloomberg në një artikull të gjatë kushtuar presionit ndërkombëtar ndaj Uashingtonit në vazhdën e përhapjes së koronavirusit në Iran. Sidoqoftë, Presidenti amerikan Donald Trump kohët e fundit njoftoi se kundërshton heqjen e sanksioneve kundër Iranit. Për më tepër, Shtetet e Bashkuara kanë vendosur sanksione të reja për disa figura dhe kompani iraniane, përkundër kërkesave globale për heqjen e sanksioneve. Irani deri më tani ka raportuar më shumë se 1.800 vdekje nga pandemia e koronavirusit. Udhëheqësit iranianë dhe disa grupe ndihme thonë se fushata e "presionit maksimal" të SHBA-së po përkeqëson katastrofën humanitare në vend.