Venezuela: Benzina iraniane në Venezuelë, gur themeli në luftën për sovranitet

"Tankeri i parë iranian i naftës që arriti në ujërat e Venezuelës është një pikë kthese në luftën për sovranitet, pavarësi dhe paqe," tha Samuel Moncada.

Përfaqësuesi i Përhershëm i Venezuelës në Kombet e Bashkuara, Samuel Moncada, të Dielën, 24 maj, në llogarinë e tij në Twitter, shkroi: "Benzina iraniane që mbërrin në Venezuelë është një gur themeli në luftën për sovranitet, pavarësi dhe paqe. Trump dhe gjarpërinjtë e tij luftënxitës po konsiderojnë një sulm ushtarak ndaj cisternave iraniane të naftës në mesin e një pandemie vdekjeprurëse. Ekspertët e tij e këshillojnë atë ndryshe. " Sipas Moncada, kërcënimi i bërë nga Uashingtoni ndaj cisternave iraniane përbën një akt lufte, sipas ligjit ndërkombëtar. Zyrtarët e Republikës Islamike të Iranit theksojnë se çdo sulm ndaj tankerëve iranianë do të pasohet me goditje të rrufeshme nga Irani. Fortune, e para nga pesë cisternat iraniane, që transporton benzinë iraniane për ​​Venezuelën, mbërriti sot në zonën ekskluzive ekonomike të Venezuelës.