Iran, 147 vdekje dhe 2.133 raste të reja me virusin Korona
Ministria e Shëndetësisë së Iranit duke vë në dukje se deri më tani në Iran janë regjistruar 343.203 persona të infektuar me virusin Korona, ka deklaruar se gjithashtu deri më tani 297.735 persona të infektuar me virusin Covid-19, janë kuruar plotësisht dhe janë liruar nga spitalet.
Sima Sadat Lari, zëdhënësja e Ministrisë së Shëndetësisë së Iranit, sot në konferencën për shtyp publikoi statistikat më të fundit në lidhje me përhapjen e virusit Covid-19 gjatë 24 orëve të fundit në Iran dhe tha: “Në bazë të statistikave të konfirmuara nga analizat, gjatë 24 orëve të kaluara janë regjistruar 2.133 raste të reja të personave të infektuar me virusin Korona dhe numri i përgjithshëm i personave të infektuar me virusin Covid-19 në Iran ka shkuar në 343.203 persona". Ajo shtoi: “Për fat të mirë deri më tani 297.735 persona të infektuar me virusin Korona, janë kuruar plotësisht dhe janë liruar nga spitalet”. Sima Sadat Lari në vazhdim tha: “Për fat të keq në 24 orët e kaluara, 147 persona të infektuar me virusin Covid-19, kanë vdekur dhe numri i përgjithshëm i të vdekurve nga ky virus në Iran ka shkuar në 19.639 persona. Ndërkohë 3.787 persona të infektuar akoma ndodhen në repartet e terapisë intensive të spitaleve". Sima Sadat Lari në fund shtoi se deri më tani janë kryer 2.952.341 teste për virusin Korona.
