Rezistenca irakiane thekson fillimin e operacioneve anti-amerikane
Forcat irakiane të Rezistencës njoftuan se do të nisin sërish operacionet e tyre kundër forcave amerikane.
Sipas rrjetit informativ Al-Jazeera, batalionet Hezbollah të Irakut njoftuan në një deklaratë se rifillimi i operacioneve anti-amerikane është rezultat i dështimit të negociatave në lidhje me tërheqjen e forcave amerikane nga Iraku gjatë vizitës së kryeministrit Shia Al-Sudani në Uashington.
Muhamed Shia al-Sudani javën e kaluar, gjatë udhëtimit të tij në Amerikë, u takua me presidentin e këtij vendi, Joe Biden, në Shtëpinë e Bardhë. Në këtë takim, Al-Sudani, duke iu referuar çështjes së tërheqjes së forcave amerikane nga Iraku, tha: “Do të diskutojmë për partneritet të qëndrueshëm në bazë të marrëveshjes së kornizës strategjike”.
Pavarësisht mbajtjes së disa raundeve të negociatave strategjike midis Bagdadit dhe Uashingtonit për t'i dhënë fund pranisë ushtarake amerikane në Irak për shkak të përfundimit të betejës me ISIS-in dhe miratimit të planit për dëbimin e të gjithë ushtarëve të huaj nga territori irakian në parlamentin e këtij vendi, Shtetet e Bashkuara të Amerikës duke e shkelur këtë rezolutë, janë ende prezentë në territorin irakian.
Aktualisht, ushtarët amerikanë janë të vendosur në dy baza ushtarake në Irak, më e rëndësishmja prej të cilave është "Ain al-Asad" në provincën Anbar.
