Çfarë është duke bërë Netanjahu në Afrikë?

Netanjahu është duke zhvilluar një turne në katër vende të Afrikës sub-Sahariane, që është vizita e parë e një kryeministri izraelit në këtë kontinent në gati 30 vitet e fundit.

Ai arriti në Ugandë të hënën në një udhëtim katër-ditor ku pritet të shkojë edhe në Kenia, Raund dhe Etiopi. Duke vizituar Afrikën, kryeministri izraelit do t'i japë fund dekadave të armiqësisë dhe do t’i bindë vendet afrikane për të ndaluar votimin kundër Izraelit në Kombet e Bashkuara. Netanjahu kërkon gjithashtu të hedh poshtë statusin e të përjashtuarit të Izraelit në kontinentin afrikan, ku ai përballet me kritika në rritje nga aleatët perëndimorë mbi perspektivat e zbehta për një zgjidhje të konfliktit me dekada të vjetër izraelito-palestinez. Në Kombet e Bashkuara, Izraeli është një subjekt i vazhdueshëm ndëshkimesh për shkak të vazhdimit të ndërtimit të kolonive të paligjshme në Bregun e pushtuar Perëndimor si dhe për shkelje tjera, duke përfshirë edhe bllokadën paralizuese të Rripit të Gazës. Një nga objektivat e Netanjahut është të bindë vendet afrikane të mos votojnë kundër Izraelit. "Në OKB ka shumë rezoluta të cilat synojnë Izraelin dhe ne duam të ndryshojmë këtë me ndihmën e afrikanëve", tha Arje Oded, ish-ambasador izraelit në Kenia dhe Uganda, për transmetuesin gjermane DW. Marrëdhëniet e Izraelit me vendet afrikane kanë qenë historikisht jo të mira për shkak të mbështetjes së kauzës palestineze nga shumë vende të këtij kontinenti. Një histori e tillë e marrëdhënieve është e qartë për faktin se asnjë lider izraelit nuk ka vizituar Afrikën Sub-Sahariane që kur Yitzhak Shamir e kishte zhvilluar një vizitë në vitin 1987. Rezultatet e vendeve afrikane, duke përfshirë të gjitha vendet që Netanjahu ka për t’i vizituar, kishin ndërprerë lidhjet me Izraelin për shkak të luftës izraelito-arabe të vitit 1973, mirëpo i rivendosën ato në vitin 1990. lidhjet e Izraelit me vendet afrikane u tensionuan edhe më tej për shkak të mbështetjes historike të Izraelit për regjimin e aparteidit në Afrikën e Jugut. Në një konferencë të kohëve të fundit për lidhjet Afrikë-Izrael, zyrtari i ministrisë së jashtme izraelite Yoram Elron vuri në dukje nevojën e Tel Aviv-it për mbështetjen e vendeve afrikane në forumet ndërkombëtare. "Marrëdhëniet e sotme me kontinentin afrikan janë prioritet në agjendën tonë të politikës së jashtme", tha ai para dhjetëra personaliteteve dhe diplomatëve afrikanë. Megjithatë, vendet afrikane që i kanë mbijetuar kolonializmit janë skeptikë sa i përket kësaj vizite. Në lidhje me pyetjet rreth lidhjeve të Izraelit me aparteidit në Afrikën e Jugut, Netanjahu ka thënë: "Është ndaluar në bazë të paraardhësve të mi dhe unë jam i kënaqur nga ajo që është bërë". Duke iu bërë presion të deklarojë nëse ai shpreh keqardhje për bashkëpunimin, ai shtoi: "Po, dhe unë jam i kënaqur". Eksportet izraelite në Afrikë arritën rreth 1 miliard $ vitin e kaluar, rreth 2% të eksportit total.

Me shfaqjen e konflikteve dhe me ngritjen e militantizmit takfirist në të gjithë Afrikën, duke përfshirë Al-Kaedan, al-Shabaab, ISIS dhe Boko Haram, liderët izraelitë kanë kërkuar për të shitur pajisje të përparuara ushtarake në këtë kontinent, ka bërë të ditur New York Times.